1966-ah Mizo sipai leh Vai sipai an indo \an avangin mipui chu tuboh leh dolung inkara awm ang mai an ni a, krismas pawh nuamin an hmang thei ta lo. Zoram chu hlauhnain a tuam mup mai a, grouping (khawkhawm) leh khaw hal avangin \ah leh ha\hialna ramah a chang chho leh a. Pu Dara te khua pawh an khaw \henawmah sawikhawm a ni a, Pu Dara chu 'Ka hun tawn zingah khawkhawm a pawi ber mai' tih hla lunglen thlak zia leh lungchhiatthlakzia hrechiang ber zingah a tel.
Rambuai-in nghawng a nei chhe tial tial a, Pu Dara pawh a ke a bai hlen phah a. Tam leh hrileng avangin a fapa neihchhun a sun a, a nupui pawh sipai kut a tuar avangin a rilru a kim lo zui bawk. Pu Dara chuan kebai chung-in chem tum leh tuthlawh hmangin a nupui fanaute ei tur a thawh chhuah a ngaih phah a. A nupui rilru kim lo chu a zual zel a, kum 10 a vei leh meuh chuan a sun ta nge nge a, a fate hmeichhe 3 chu nu tel lo vin a enkawl a ngai a. A fa u ber chu khawsikpuiin a man hlauh mai a, ramtui lei lovin a awm zui. Pu Dara tan chuan hlimna tih thumal hi lamrik harsa tak a ni.
Mizoramin remna leh muanna a neih hnuaah pawh Pu Darate chhungkua chu changkanna-in a kal khum zel a, Pu Dara chu chemtum nen kawla nichhuak chhiarin a feh a la ngai tho. Pu Dara hi harsatna hian a kiansan khat hle a, a fanu upa zawk pasal nei lah chu fa 2 an neih chauh tihin a borala, a makpa lah chuan veng mawnga zu zuar a luhkhung a, a fate pahnih chu Pu Dara enkawl loh theih lohvin an awm bawk si. A fanu pakhat pasal nei lah chu an harsa em em a, Pu Dara an a puih an ngai zawmah a.
Pu Dara chu Putar kum 70 mi a lo ni tawh a, a feh loh ni-in ramhnuaiah chawhmeh leh therhlo a zawn a ngai a, eirawng bawl chhawktu a nei lo, an chhungkuaa tih tur awm zawng zawng chu a mahin a tih vek a ngai. Chuitiang anga pamal chu ni mahse a tute pahnih leh a fanu khawsikpui avanga ramtuileilote chu chaw a la nghei tir bik lo.
Hetiang a nih mek lai hian hunpui a lo inher chhuak dawn a, Krismas chu ni li chauhin a dang tawh a. He mi ni hian Pu Dara chu ramhnuaiah chawhmeh zawngin a kal a, in thlen a chak loh ber ni a ni hiang ang. An inah chuan a tute pahnih Krismas thawmhnaw thar leh inkhualtelemna awt ve ngawih ngawih an lo awm dawn tih a hria a. Chu mai a la ni lo, Krismas thawhlawm thawh a ngai a, a tute’n thawmhnaw lum pakhatmah an nei lo tih a hria a, mahse cheng za pawh a nei si lo. A fanu khuma chaw barh ngai pawh ngaihtuah tel a la ngai bawk si, phur lo zetin in lam pan chuan a haw hnak hnak a.
An in, di-in rawp tawh takah chuan a lut a, mei a nun nghal a, a mei chhem chu a tute pahnih vawt ti a khur beuh beuhte chuan an rawn ai vat a. Pu Dara chuan a iptepui a\ang chuan a chawhmeh hawn chu chhum turin a buatsaih a, thuk lehlamah chaw tui tur a chhuang nghal bawk a. A tute chuan 'a pu engtikah nge mas thawmhnaw kan lei ve dawn' tiin an zawt a. Pu Dara chuan sawi tur a nei lo, a tute pahnih thawmhnaw chhe tak inbel kawrlum pawh nei zo lote chu a thlir vawng vawng a. Naupang lah chuan an pu chu beisei nei em emin an thlir dauh dauh a. Pu Dara chuan a tute pahnih chu a en reng ngam lo, a kun a, mittui khap per sak sak chungin a chawhmeh chanlai chu muangchangin a chan chhunzawm a.
A tute nena ngawi renga ei rawng an bawl mawlh mawlh lai chuan an kawtah chuan \awng nak nak thawm an hria a, an in-ah chuan patling panga hi an rawn inzui lut a. An ina rawn lut zinga pakhat chuan 'ka pu kan rawn carol dawn ' a ti a. Pakhat chuan \ing\ang chu ri fai mawi em emin an perh a, 'Kum sul liam hnu kan nun ngaih lai tho leh thin' tih hla chu an sa a. Putar leh naupangte chuan hrilhhai takin an ina zaite chu an en ha a. Zai mekte chu an thutak hle a, pahnih an lam a, pahnihin tui taka zai pahin kut an beng a. An zai zo a, pakhat chuan a ipte atangin naupang lawm chi hrang hrang a rawn phawrh a. Pakhat chuan a ipte atangin envelope a rawn phawrh a, chu envelop kawmah chuan 'To, Pu Dara. From SCB' tih a in ziak a. Pu Dara hnenah chu envelope chu pek pahin 'ka pu, Krismas thilpek kan rawn pe che u a ni' tih pahin a hlan a.
Pu Dara chu a hamhaih hle a, a petu chu a chibai a 'kan van lawm em! tu te nge i nih' a ti a. A inlengte chuan 'Aizawl atanga rawn kal kan ni e' an ti a. Putar chuan in hmingte min hrilh thei em a ti leh a. Anni chuan 'thianza ho kan ni e, kan hming kan sawi lo mai ang, ka pu kan kal leh mai ang nge' an ti a, Putar biak thui hman lohvin an chhuak leh ta mai a.
Chu in chhunga naupang pahnihte chuan an thil dawn chu lawm em emin an khal nghal malh malh a. Pu Dara pawh chuan a thil dawn chu kut khur ru der der chungin a hawng a, lehkhaip chhunga cheng 1000 leh 500 note tam vak lo inthuah chu a phawrh a, an chhiar dawna a chhiar mai thei lo, nichin lawk khan a lungaih em avangin a mittui a dang zo lo va, tunah erawh chuan lawm lutuk avangin a mittui a far zung zung ta thung a, a tute leh a fanu en tumin an dak chhuaka phe ruaiin a hmua, a thinlung erawh chuan hlim taka krismas an hmang lai a hmu fiah thung a.