Branch Executive Member
Ni 19.4.2013 khan General Awareness on Consumer Affairs A.T.I. New Capital Compex-ah Branch aiawhin ka tel ve a. He Awareness Campaign-ah hian thupui \hen li (4) awmin kan zirho a ni. Thupui \hen hrang hrangah te hian kan hriat atana \angkai tur nia ka rin ka han thai lang ve ang e.
Consumer kan tih hi engemaw ni chiah le kan ti mai thei a. Mi tu pawh mahni sum senga bungrua emaw thil engpawh leitu tawh phawt chu consumer a ni. Sumdawng lian hausa tak pawh nise hmundangah mamawh dang a lei tho a ngaih avangin consumer a ni tho a nih chu.Consumer chuan mi zawng zawng a huam a ni ber mai. Amaherawh chu a thlawna thil dawn/pek lak erawh chu consumer a ni lo.
Khawvelah sumdawng an lo lian zel a, sumdawngte duhamna pawh a lo nasa zel a, chu chuan sumdawnna dik loah min hruai lut a ni ber mai. Kei ni ram ngeiah pawh hian sumdawngtute hian mipui min pawngnek ta chu a ni ber a, kan hriat loh hian kan pawisa min eisak heuh heuh mai a nih hi. Mipuite hi kan \hanharh a \ul a ni. Hetiang taka sumdawngtute an pamham tak avang hian India Parliament pawhin Kum1986 khan The Consumer Protection Act. a lo passed tawh nghe nghe a ni.
Consumer ten kan thil leiah emaw thil dangah lungawi lohna kan neih chuan District Forum-ah thlenin kan thil lei zuartute kha khin theih a ni. Mizote hi inkhin leh thil sual titute hek hreh chi kan nih avang hian sumdawng pamhamte hi kan vulh lian ta a ni ber mai. District Forumah kan zualko dawn a nih chuan eng thilahte hian nge Complain a siam theih kan hriat a pawimawh a ni.
1. Defective goods : CPA section 2(f)in a sawi angin kan thil lei /bungraw felhlel anih tur ang ni phalo a nihin
2. Deficiency in service-ah :CPA section 2(g)in a sawi angina, service kan lei (e.g. telephone,bus & taxi service, thlawhna, electricity.bill dik lo, meter reading dik lo,private hospital, postal & courier service etc.) te service provider ten a nih dan anga thil an tih loh va, consumer tan harsatna a awmin.
3. Unfair Trade Practice : CPA section 2(r) in a sawi angina sumdawngtu leh Institution etc.te hnena bungrua leh service kan leite an insawi mawi anga thil a nih lohin emaw inbumna (materioaly misleads trhe public) ang chi a awmin. (eg. Kan thil lei quarranty nei mechanical failer avanga a chhiatin. Quarranty huam chhungah man chawia a part thlak leh siam man chawi a nihin. Tin. MRP thai chhiata a man ziah belh emaw belh a nihin.)
4. Gift,Prize etc. pek lohin : CPA section 2(1)(r) leh Sub-s3ection 2(2)(3A) in a sawi angin, lawmman (prizes) emaw thilpek leh free gift ang chi thup leh lucky ticket lawmman pek loh a nihin.
5. Printed price aia sanga thil leiin : CPA section2(1)(c)(iv) sawi angina a man inziak(printed price) aia sanga in leitir ang chi.
6. Spurious goods and services–ah : CPA section 2(1)(00) sawi angin a thil a nih dan tura dazat emaw, a tak ni lo chi leiin
7. Hazardous goods (mihring nunna atana him lo) bungrua emaw service emaw a awmin : CPA section 2 (1) (c) (v) (vi) in a sawi angin mihring nunna leh khawsakna atana hlauhawm chi hralh/ pek emaw a nihin, titawp turin emaw, a tuartute zangnadawmna pektir turin. [section 14 (g),(h),(ha), & (hb)] sawi angin.
8. Restrictive Trade Practice–ah : CPA section 2(1),(c),(i), and (iv) sawi angin midang khawih ve theihl oh, phalna bik nei sumdawnna leh service tite ( eg. Gas, petrol, electrict ang chi) ahte a man tihsan leh a supply tih khawtlai a, a man san phah emaw, consumer-te tana tawrhna ang chi-ahte, complain case file theih a ni.
Hetiang chi thil dik lo kan hriat a, District Forum-ah kan thlen hmain sumdawngtute nen inbiakrem tum hmasaka a theih loh hnuah kan lungawi lohna kimchang taka ziakin complain thehluh tur a ni. Dawr a\anga thil lei a nih chuan cash memo/ voucher thil tel tur a ni. Voucher tel lova bungraw hralh hi Consumer Protection Act-in a khap tlat a ni tih kan hriat a pawimawh hle. Complain kan siam dawnin Mizoram Consumer Union rawn hmasak a him.
Tunlaiin Gas Connection chungchangah kan buai hle . Mi pakhat hmingin connection 2 emaw a aia tam emaw kan nei tlangpui a. Hemi chungchangah hian Chhungkaw khat (1) in connection khatah subsidies rate-in bur 9 lak phalna dan siam a ni a. Connection dang kan neih kha tawp lovin non-domestic-ah awmin a man toin lak theih tho a ni. Chhungkaw khatin Domestic Consumer Card khat chauh hman tur tihna a nih chu. Hming thlak leh Transfer ang chi reng rengah (case pakhatah) Affidavit form khat a tawk.