He thu ziak tur hian ngaihtuahna ka lo seng ngai hran lova, mahse Branch YMA-in Gan Sabra kan tlawh a\angin ka ngaihtuahnaah lo lutin min nawr ta sek mai a. Mi hlim ho chuan sawi se, "Pathian min pawlna ngei a ni e" tih loh phal rual a ni lo. Thusawi thiam takin Pulpit a\anga ngaihnawm taka sawi tham, thupui ka han chhawp chhuak ve ngawt a, a lo phuai ta deuh a nih pawhin; kan tlin tawk a ni miau si a le. Inthlahrung leh mahni insit tak chungin (article kan lo dawng lo leh zel nen), thiam lo chungin ka han thailang ve leh ta ngawt mai a ni.
HIV natna hrikin a sawisak mek naupang chumchiap tê tê han hmuh chuan rilru a na duh ngei mai. An natna awmzia leh a hlauhawmna pawh hre miah lovin an phak tawkah hlim takin an nitin nun an hmang ve zel a. Heng mite hian khawi a\angin nge he natna hrik hi an kai? tih chuan an nu leh pate atangin a ni tih chu hnial rual a ni lo.
Anmahni tihsual ni miah lo; an nu leh pate nun hman uluk loh vang ringawta khawvel hrehawm taka an han hmang ngawt mai tur ngaihtuah chuan rilru a kal thui duh khawp mai. An tan chuan Krismas hian hlutna a nei tam kher lo vang. Rualawhna khawvelah tu mah awt phak lo leh awt ngam lovin an dam chhung ni an chhiar ve mek si a.
Kristian-te hunpui ber mai Krismas hunah hian mihring nun a zalen a, nu leh pa tam tak chuan kan fate kan khuahkhirhna kan thlah dul fo. Mahni inthiam chawpin "Hetiang hunah te chuan a awm ve alawm" tiin kan nun zalen taka hman kan tum \hin. He hun ropui tak mai kan hman chhan hi kan ngaihtuah nawn fo a pawimawh; Chhandamna kawng bul \anna a ni a, sual phuarna atanga zalenna kawng inhawnna hun a ni. Nang leh kei hian engtin nge he hun hi hman ve kan tum le?
He hun ropui hi alawm mi tam takin an nun hloh nan leh sualna kawng zawh tura rahbi hmasa an lo rahna hun chu ni. A bik takin \halaite tan nun hman thiam a pawimawh khawp mai. Pathian thu chuan "Kan \hatlai hun hi zalen taka hman min phalsak ngei mai" Engmah lungkham lo leh zalen taka he hun hi hman theih a ni a. Mahse, kan hmalam huna ka nun tichhe vek thei tur thil sual tih nana kan hman chuan a rah seng tur chu keimahni bawk kan ni tih erawh kan hriat a \ha awm e. He hun ropui taka mahni zalenna hmang thiam lo mi tam tak chuan sualna khurpuia
tluin, Isua Krista'n Zalenna Dar min vuaksak chu Sual Bawiha tan \anna hunah an lo hmang ve fo bawk.
Tunlai khawvel changkang tawh takah hian sualna hian mitin a chiah hneh hle a, kum bituk pawh awm lovin, a te ber a\anga a lian ber thlengin min sawisa reng a. A te ber, meizial (vaihlo zial) tak ngial pawh la khawih chhin ngai miah lo pawhin he hunah hian zial zuk an zir \an a, Zu in ngai loin an tem chhin a, mipat hmeichhianaa la thianghlim te'n an hlutna hloh \hakin hun remchang an lo zawng ve mek bawk. Mitin mahni neih baka ropuiin khawsak kan tum bawk nen, a hmang thiam lo tan chuan hun khirh tak chu ava ni si em! Nu leh pate mawhphurhna a sang khawp mai. Nu leh pa tam tak tan chuan "Lungngaih Hapta" ah an chhiar leh ngei ang le!
Mahni tawka chhia leh \ha hriatna hmang thiam lo, naupang zawk tan chuan Nu leh pa bul, mahni in chhung hi Himna Kulhpui a ni tih hriat tur. Hetiang huna nun hmang thiam lote hian an dam chhung atana an nun tichhe thei thil an khawih a, anmahni mai ni lovin an fate tana pawi tur thlengin an dai baw bawk a. Thenkhatin he huna an pawi khawihsa belh chhahin nau tihtlakna thlengin pawi an khawih phah a, tualthat an nih in hre miah lovin Pathian pawi an sawi phah reng a ni. Nang leh Kei hian Zalenna Dar kan vaw dawn nge Sual Bawihah kan tang dawn? Mawhphurhna chu i kutah a awm e.