A hmel en mai pawh khan a fel hmel ngawih ngawih a, a hmalam a\anga a fel hmel ang bawkin min kalpelh ruala a sir lam a\anga thlir phei kha chuan sual thlen phak loh a\anga lo kal ni awm tak a ni. A hnunglam a\ang erawh chuan vanram pan tur ang hlauh a ni. Ka en a, ka en nawn leh a, ka thlir zui a, ka ennin hmain a kal liam ta. Ngaihtuahna ava ti thui tehreng em! A siamtu ropuizia te, siamtu themthiamzia te, a thilsiam dang ropui tak tak te leh khatiang thil mawi siamtu khan thildang ropui tak tak pawh hi a lo va han siam hnem em! Heng zawng zawng ngaihtuah chung hian ning lo tak chungin ka thlir liam mai chu a ngai ta tho sia.
Pathian khan khawvel leh a chhunga awm zawng zawngte, nungcha leh van thengrengte a siam zawh hnuah thilsiam zinga chungnungber turin Mipa a han siam a, la duhtawk mai lovin a puitu tur hmeichhia a han siam leh kherte hi ava han themthiamthlak tak em! Mahse, a thilsiam mihringte’n an han phatsan meuh kha chuan zahngai thei Pathian pawh a rilru a na hle a ni ang, a tuithlar ta hmak mai si a, mihringte chan chu thawhrim tawpa thihna mai a ni ta. Mahse, Chanchin\ha Johana ziak (Hre ve awm ang zia zang hian) a kan hmuh ang khan a fapa mal neih chhun hmangin Kalvari-ah remna sa-ui a rawn tan ta a. Chumi a zara chhandam kan nih lah chu kum zabi 18 lai velah sap missionary hmanga hrilh hriat kan la ni ta chauh a. Chumi kalzel chuan thilpek hrang hrang min pein, hmasawnna kawng hrangah khawvel eng min hmuhtir ve a, kan beisei phak bak aia chakin khawvel intlansiakna huangah min zuan luhtir ve ta reng mai si chu a nih hi!
Chutiang thilpek zingah chuan Pathian zia pu chhuak thei tur ngeia YMA a lo ding ta hi a ni. Chhuanchhamte khaichhuak \hin hnam hian \anpui ngai \anpuitu pawl kan han nei te hi a va mawi em! Chu mai a la ni nem, damlo leh lusun chhungte tan chuan innghahna tlak leh hnemtu tling a ni. “Nang malsawmna ni ang che” tih thute hi sawi mai lovin a takin YMA-atang hian a lo parchhuak \hin a, a sur a sa hnuaia, hah pawh sawi lo leh hreh hmel pawh pu miah lova thlan laitu te hmelah chuan Kalvari tlanga midangte tana nun petu Isua Krista hmel kha a lang \hin a lo ni.
Lumen zan leh Khawhar Ina nula aw ngaihnobei zetin zai chawi tak maia khawhar hla a han hril dep dep te chu eiru tam tak pulpit tlang chang ho thusawi ai chuan a mawi zawk fo in thlarau nun a chawm zawk hial long maw?
Khawvar thleng rawk mai, chau ve tak chung si a, hnual hmel leh ning hmel pu miah lova Lusun chhungte hnem tura Fakna hla sa hram hram thinte aw hian Berampute fakna aw kha a pawl phak chiah lo pawn a hnaih viau ang.
Thisen pek ngai an awm a, thisen pe tura tlangval rual pungkhawm \hinte chuan kan tana Nazareth tlangval thisen chhuak kha min hriatchhuahtir fo zu nia. Thisen vanga Chhandam, ropuina ram luahtu tur kan nihna hi heng thisen petute nun hian a pho lang fo mai. Mi dang tana Malsawmna nih hi YMA hian a tum ber leh a thupui a ni tih chu mi inpete nunah hian hmuh tur a lo awm reng mai.Heng zawng zawng hi YMA vang a lo ni si.
Engati nge kei tehlul hian heti ang ngaihtuahna ropui tak tak hi ka lo put tak le? Engvang nge YMA tana \hahnem lo tak si hian heti ang thu khal tak tak ka han sawi tak mai le? A chhan chu YMA hi a lo ropui a, a Kristian a, a vanram hawlh nungchang em a ni. Tin YMA nula dik tak ka hmuh, ka en a, ka en nawn leh a, ka thlirzui tak reng vang kha a ni bawk awm a sin.