Tun tum chu kan phun ve chiam teh ang. YMA AW ngaihnawm leh bengvar thlak tak, Pathianni tukah chhiar kan chak theuh mai. A enkawltute (a bik takin Editor) en hian thil ropui tak beisei tur a awm lo tih hrereng chung hian thurawn, fuihna leh tanpuina hi kan va dawng khat tehlul em!
Veng chhungah thu leh hla lama mi thiam zawk tam tak kan awm, chutih rual chuan kan theihna leh thiamnate YMA tana pek chhuah kan harsat tlat mai lai hi chu kan inenfiah ve chu a ngai deuh lo maw? Kan chhiar liam a, awm hmun atangin kan sel a, hmasawn tur zawngin thu kan chhakchhuak leh bawk si lo. Ka tlin ta lo tia bansan mai pawh keini ang duang tan chuan a awl dawn khawp mai. Thu leh hla lama sulhnu pakhatmah sawi tur nei lo, Certificate phawrh tur nei miah lo, inpekna tlachham bawk si tan chuan a har thin teh e. Kan Chanchinbuin hma a lo sawn zel theih nan i tang tlang teh ang u, tiin kum tawp dawn ruaiah kan insawm thar leh a ni e.
Tun tum pawh thu leh hla a tlem hle mai. Inthlan turin kan rilru a la peng zo nge ni, hreh tak chungin Fakna kan chhuah leh ta, chhiartute hriatthiamna kan ngen e. Aricle ziak kan dawng lo. Thiam ang tawkin ka han thai liam ve leh ta ngawt a, endiktu vek in ni e.