Hruaitu kan neihna pawlah reng reng chuan tu pawh kan ngampain kan tlangnel zel. CEC hian engchenin nge min hmuh, tih hi ngaihtuah ang u. Kan dikna ngeiah vawi 2/3 min lo namnul tawh a, min zuam tawlh tawlh a ni thei mai ang em? Dikna au chhuahpui leh a tul huna lungawi loh ngamte hian thil tha zawk a pawchhuak ve thei tho. Dikna hmuna din ngheh tlat hi huaisenna zia pawh a ni zawk long maw? Engpawhnise, Branch chhungah tal hi chuan i YMA hle zel phawt ang u.
Kan Chanchinbu phek hma lam hi sawi zui deuh mai teh ang. Tunlai thiamna sangzel Technology hmanga kan inbiak pawhna Facebook-lama thu ziakte hi thu tlingah kan ngai em? tih chu ka hre chiah lo. CEC member inruat thar chungchang chuan sawi zui a hlawh viau. Aizawl khawpui chhung mai ni lo, Mizoram pum huap ang pawn YMA Branch lian leh ropui, thawm na ber pawl hmuhin kan inhmu a, kan inhmu lian ve viau, mahse hei hi mi dang leh veng dang mite min hmuh dan a lo ni ve chiah lo a niang. Mizoram pum huap anga hruaitu (CEC) inruat chungchangah min hmuh kan leh tlat zel mai. Branch lian leh ropui (nia inhria) atanga CEC member kan nei hlei thei lo hi chu kan inbihchian deuh chu a ngai lo maw? He hruaitu dinhmun hi thil chakawm tak leh hnemhnanawm tak chu a ni miah lo, mawhphurhna rit leh hautak zet mai chu a ni ngei mai. Mahse, veng tan chuan rualawh chu a na khawp mai.
Hruaitu kan neihna pawlah reng reng chuan tu pawh kan ngampain kan tlangnel zel. CEC hian engchenin nge min hmuh, tih hi ngaihtuah ang u. Kan dikna ngeiah vawi 2/3 min lo namnul tawh a, min zuam tawlh tawlh a ni thei mai ang em? Dikna au chhuahpui leh a tul huna lungawi loh ngamte hian thil tha zawk a pawchhuak ve thei tho. Dikna hmuna din ngheh tlat hi huaisenna zia pawh a ni zawk long maw? Engpawhnise, Branch chhungah tal hi chuan i YMA hle zel phawt ang u.
0 Comments
CYMA general conference kan lo hmang zo leh ta der mai, palai kalte’n kham lo taka Khawbung an rawn hawsan mek laiin kal ve lo te’n CWFC hnehna lawmin kut kan lo beng ve mek bawk, kawng hrang hrangah kan vengin hlawhtlinna kan hmu ve mek zel, mi thilphalte inpekna zar kan zo chho mek e.
Khawvel changkang zelah Conference kal ve lote pawhin mahni inlum atangin conference kan lo chhim ve thei reng a (chiang vak loin). Intihhlimna lam hawi, mit leh beng titlai tak tak hmuh tur a tam hle mai. Heng chanvo hrang hrang atanga hmuh theih chiang tak chu “Mihringte rilrua danglam bik nih duhna, mite mit leh beng hruai thei zawnga chanvo neih tumna” hi a ni awm e. Zaipawl zawng zawng tih theih deuhthawin tluangtlam taka hla sa mai lovin, a behbawm engemawzat nen an zai a. Hei hian a tihlan chian em em chu, mite’n min chhinchhiah bik se, thiam danglam min ti se tih hi a ni awm e. Kan Mizo hla neihsa chi hrang hrang siam danglamin an rawn au chhuahpui a tih theih awm e. Engpawh chu nise, khawvel leh Mizote hmasawnnain a ken telah ngai phawt ang. Kan Branch YMA pawhin chanvo tha takin an hlen a, a ropui khawp mai. A leh pek zelah hmasawnna nen chanvo tha zawk neih theih zel tum ila a tha khawp ang. CWFC te’n hnehna an chang leh ta, Editorial Board-in kan lawmpui rualin duhsakna kan hlan bawk e. CYMA general conference kan lo thleng leh dawn ta a, he hun hi ram pum huapa ro kan relna hun pawimawh tak a ni a, member ten ngaih pawimawh thiam a tha hle mai. tun tum phei hi chu zo khaw theng thaw nuam takah hman a ni dawn a, chumai bakah kum dang aiin kan branch tan chuan hun pawimawh tak ni dawnin a lang.
CYMA OB nei ve ngei thei ila a duhawm hle mai a, kan branch tan mellung pawimawh tak a nih piah lamah hma kan sawnna tur thil pawimawh a ni ngei ang. hruaitu thlan tum hian thil dik lo leh mawi lo campaign thawm a awm thin a, kumin hi chuan chutiang thawm mawi lo leh tha lo hriat tur awm lo a duhawm hle a, kan branch atanga kan chuh tum a nih ve avangin hetiang boruak tha lo hi awm lo se a duhawm hle a ni. hruaitu dinhmun duhawm takah kan ding a nih chiah lo pawhin CEC palian tal chu kan nei ve tawh ang chu. Tunlaiin kan vengin inkhel hmuh nawm mai bakah en leh tur chakawm tak tak kan nei nual a, veng mipuiten hetiang a kan veng aiawhtute hi tawiawm thiam ila a tha hle mai. Chhiat tawk kan awm leh thin a, kan hah tlang viau tawh pawh a ni mai thei, hah vang chawlh ngawt theih a nih si loh avangin thalaiten tan ila thar zel ang u. Kan Editorte nupa Thenzawl lamah honeymoon hmangin an thang a, dam takin an lo haw leh ang chu, fakna thu chhuah tur kan nei hraw deuh a, chhiartute ngaih thiamna kan ngen e. Kan vengin kawng hrang hrangin hma kan sawn zel a. Infiamna lamah leh zirna kawngah te, intihsiakna hrang hrangah kan veng hming a lang ve ta zel mai. Hei hi thil ropui tak chu a ni ngei mai.
Hetih rual hian veng tana mi chhuanawm, mahni kawng zawna hlawhtlinna changtute kan chawimawi dan kawngah hian zir tur chu kan la nei deuhin a lang. Chhiat tawhna lamah hi chuan mi vengte fak der kan hlawh ve viau \hin, thui takin a dikna chen pawh a awm ngei ang. Tuarte tuarpui; lawmte lawmpui hi kan tihtur a ni tih chu kan hria. Mahse, lawmte lawmpui lai tak hi Mizote hian kan tlakchham tak a ni awm e. Mi hlawhtlinnaah hian thinlung taka lawmpui hi harsa kan ti leh tlat \hin. Tin, a lawmpui dan kawng hi kan haihchham fo mai. Thil \ha lamah hi chuan mi veng leh mi khuate tihdan entawn hi hreh loh a \ha. Keimahni tawka ruahmanna kan siam thiam chiah lo a nih pawhin “Mite’n engtin nge an tih?” tia kan khawhawi kan tih zau deuh a \ul khawp mai. Tunkar chu veng chhung \halaite zingah titi dang a leng meuh lo. CWFC in MPL khel tura an inbuatsaihna leh a \awiawm dan tur lam hawiin rilru a luah tlang a ni e. |ha taka khel turin duhsakna sang ber Editorial Board-in kan hlan e. |
Editorial Board and Branch O.BEDITORIAL BOARD Archives
December 2013
Categories |