Kartin maia “Ui leh Ar khuahkhirh” thu te, “Parking” chungchang leh “Ruihhlo ti thinte” tih vel han chhiar mai chu (h) te pawh kan ti mai awm e. Ni e, a dik reng bawk a, kum bul atang khan issue tinah hian a lang ti ila, kan tisual tampui awm lo ve.
Thenawmte kawtkai maia zun leh ek thlauh tura kan ranvulhte kan chhuah duh chhung hi chuan thu tha pui pui sawi ve zuah zuah mah ila, tumah hian min ring tak tak ngai lo vang.
Vantlang kawng dip ran maia kan lirtheite kan han dah thin hi chu tumahin min sawisel lo pawh nise chunglama mi khian thiam min chantir em lo vang a? te ka ti rum rum thin
Khawtlang hmangaih tute’n theih tawpa tan an lak lai kara tanpui lova, harsatna siam zawnga khawsak reng hi a Ringtu tih chi loh khawp ang. Khawtlang mipuite zahna nei miah lova mi dang tana hnawksak zawnga nun tlat hi i sim teh ang u. Mite kan tanpui ve thei chiah lo a nih pawn harsatna tal chu i siamsak lo vang u, chu chu kan tihtur liau liau, kan kova lum a ni e.
Article aiah report chipchiar leh ngaihnawm tak mai kan nei hlauh e..