Eizawnna thil avangin (a bikin nula tlangval tan) thlanlaih leh chhun lama mitthi ina thingpui lumte kan hman ngang lo a nih chuan Lumen leh Khawhar In kal chu kan tihmakmawh a ni tih kan hriat a \ha khawp mai. Tlaivar si lo, thlanlai bawk si lo, chhun lama mahni hna \ul ngai pawimawh leh em em si kan tam sawt hle mai. Kan chunga thihna a lo thlen ve hunah mite hian hna min thawhsan suau suau mai ang tih a hlauhawm khawp mai.
Lumen changin zingkar tlangval thlanlai thingpui petu tur nula kan haihchham lek lek fo ta mai. Nula te \an lak a ngai. Tlaivara kan tlang nghal thei chiah lo a nih chuan mut hma hret a, zingkar lama kal leh maite pawh a pawi lo khawp mai.
Tlaivarte thlaktu nu leh pate’n kan tih \hat viau rualin a nachang hre lo erawh kan la tam hle. Tin, khawvar rual vela thlen hman \hin a tha khawp mai.
Mitthi buhfai lutkim lo fo mai hi chu a zia lo lam hret. Nula (tleirawl zawkte) te \anlakna tur a ni e. Kar tina khawn tur em pawh a ni si lo. Nu leh pate pawhin kan fanute buhfai khawn taima tura kan nawr \hin a \ul khawp mai.