Chi bil leh hnam bil chungchangah harsatna kan tawk a, YMA chuan mizo hnam hi tha leh inhlawm, inngeih taka a kal a duh a, chutiang tur chuan hma pawh a la thin a ni. Hetihlai hian hnam tlem zawkte chuan he hmalakna hi an duh lova, an kalh a, an hnial a ni. Kan thlirna tlang a inang lo pawh a ni mai thei a, kan dinna pawh a inang lo mai thei bawk. A pawimawh ber chu Mizo hnam hlawm tha taka kan awm tlan hi a ni, kan awm khawm that hian hnam dang leh ram dang lakah kan lang mawi ang a, kan ropui bawk ang.
Kan vengah pawh YMA hruaitute zah lohna nasa tak a thleng a, a pawi hle. Kan theih ang tawka thiltha tih tum kan ni a, YMA hruaitute hi zah tlak loh leh zah phu loh pawh anni mai thei; mahse, Mizo hnam tana ding an nihna leh harsate tanpuitu a nih avang tal pawh hian an thuawih hi kan ba a ni. Kan that tlan zawk nan member zawng zawngte hian kan hruaitute thu hi i awih tlang vek ang u.