Tun \um chu, “a che che sih hlawkah, a hua hua chu in ni mai” tiin, a thling baw hawkin sawi law law teh ang. Kan veng a lian a, a mi chengte pawh kan \hahnem fu e ti lo chuan chhiat tawh nikhuaa che chhuak ve ngai lote hi khawtlang hian a la hre hrang viau a ni tih hi hriat a \ha khawp mai. Miin kan tlin lohna ang zela min thungrulh loh vang ngawt hian inthlahdah mai loh tur.
Mi \henkhat chuan Khawtlang rawngbawlna hi Kohhran bila lakluh kan tum fo. Thenawm khawveng hnaia chhiat tawhnaah pawh lan tum miah lo, mahni Kohhran mite an nih chuan hna \ul zawng zawng tlansana hun pum pe leh thei si te kan awm leh tlat \hin. Hei hi a \ha lo takzet tih hriat a tul. Mizo tlawmngaihna leh Kristianna dik tak chuan Kohhran ramri a kham ngai lo. Kan Kohhran mite kan ngaih pawimawh ang tho hian Kohhran dang mite chungah pawh kan ti tur a ni dawn lawm ni?
Hetiang ngaihdan dik lo hi kan neih chhung chuan kan Hnamah leh kan Kristian-naah hian kan chiang tawk lo tihna a ni ang. Miin in chunga an tiha in duh tur ang apiang chu, mi chungah pawh ti ve rawh u tih zirtirna pawmtu kan ni tih i hre thar leh ang u.