Hetiang hunah hian mipuite hian tihtur tam tak kan nei \hin. Tui harsatna hmuna kan khawsak chuan tui renchem thiam a ngai. A bik takin tui herh haw a hmang \hinte hian nasa takin tui kan heh bik a, kan inren thiam a \ha khawp mai. Mitinin fai kan duh vek, chutih rual chuan a tibal tam lo zawnga kan khawsak thiam chuan tui kan khawl tihna a ni mai.
Lirthei kalna kawngpui kama khawsa tan chuan in leh a vel vawnfai reng a har khawp ang. Chuvangin kan tui chhe paih mai mai turte kan kawtkai vel tih huh nana kan hman \angkai thiamte pawh a tul awm e, chu chuan nasa takin vaivut lakah min veng thei ang.
Khua a ro em avangin kangmei chhuak mai thei lakah kan fimkhur a ngai khawp mai. Kangmei chhuah chhan tam zawk hi fimkhur tawk loh vang a ni thin. Eirawngbawlna gas leh lectric heater kan hman danah te, thing tuah kan hman danah te, fimkhur leh zual ila, kangmei lakah kan veng, in leh lo, thing leh mau te humhalh turin \an i la ang u.
Zawng\ah chanchin ziaktu Pu Zuia chungah lawmthu kan sawi e, zawng\ah hlutna min hmuh chiantir hle mai, a ngaina tan chuan ei uar sauh sauh chi a ni awm e.