Hruaitu hlun chawimawi phu leh chawimawi kan nei leh a, a ropui khawp mai. Kum sawm emaw sawm panga emaw branch OB nih theih hi inpek a ngai tak zet a, hrisel pawh ngai tak a ni, lawmthu Pathian hnena sawi mawlh mawlh tur a ni.
Masi rim a nam leh tan a, sual a thangharh bawk a, YMA te kan duty leh ngei a ngai a ni. Kan veng awmna nuam deuhah hian zu rui leh insual thawm awm lo tura kan tan tlan a ngai khawp mai. An nu leh paten an thunun theih loh YMA ten min hua ang tih hlau tak chungin ven kan tum thin si a, a buaithlakin, a harsa hle a ni.
Thu chhuah tur van tuma Pu Chhuanawmate kan nei hi a vanneih thlak, amah lo pawh hetiang hi mi pali panga kan la nei a, lawmawm tak a ni. YMA AW chungchang hre ber tur zing a mi a ni a, hahpui ber pawl a ni bawk ang. Tun tum chu thu chhuah tur neuh neuh a tam a, SMS pawh kan dawng nual na a, kan chhuah tam vak thei lo.