Khawvela intihsiakna (a bik takin infiamna lam lo thlir ila) hrang hranga mi hlawhtlingte han hmuh hian, an thawhrimna lam aia an par chhuak tawh lo awh ve mai hi a awl viau. Hlawhtling tura an beih nasatzia han hriat chiah hian an ropuina chu a zual thin.
Hlawhtlinna hi vanneih thila chhar fuh theih a nih rualin, infiamna lam bikah kher hi chuan thawhrimna tel lo chuan a theih loh ti ila kan sawi sual kher awm lo ve. C Ronaldo-in training a neih nasat dan hriatpui miah lova a ball pet dan entawn ngawt chuan tih ve mai chi a ni hauh lo vang. Kan venga infiammite pawh hian Thawhrimna hlutzia leh a rah chhuah hi hrechiang se, tun aia thahnemngai lehzual hian han thawk se, chakna chu khel lovin an tawngbaw ngei ang le.
Engpawhnise, tun aia tha leh zuala inkhel chhunzawm zel turin duhsakna sang ber kan hlan e.