Inthlan lam chu a buaipuitu bikte tihturah lo dah phawt ila, MPL khelh hian kan vengah eng nge nghawng a neih tawh a, engchen nge kan thlen dawn i lo chhui chhin teh ang.
Tunah hian kan veng chhung thalai tam tak chuan CWFC inkhelh zan leh inkhelh hunlai chuan khaw dang an hawi thei ta meuh lo mai. Tin, pawl hrang hrangin inkhelh hunlaiin ruahmanna leh tihtur dang engmah an chhawp chhuak ngam ta meuh lo bawk.
Hetiang hunah hian YMA member-te leh Kristian thalaite hian rilru fim tak kan put a ngai khawp mai. Kan rawngbawlna (YMA leh Kohhran) tibuai khawpa thil danga kan lo buai ve viau hian hmasawnna tak tak min thlen lo tih hriat a tha. Tin, inkhelhna lamah hian nun a zalen a, nunphung hloh thaka khawsak maite pawh a awl. Chuvangin kan nun fimkhur a ngai khawp mai. Kan awmna tur hmun dik taka kan awm loh apiang hian kan rahbi a fuh tawk lo fo.