He hun hi, hlimna hun, inlungrualna hun a ni tih hriaiin; buaina siam zawng leh mi dangte tana harsatna siam zawngin tu mah khawsak loh hram i tum ang u.
Kum 100 chuang Mizote Kristian kan nih hnu hian kum engemawzat chu Krismas kan lo hmang tawh thin. Krismas hawi hla tam tak kan neih lai hian kan hranghluite hla phuah hian Mizote rilru a luah khat reng mai. Kum tin hla thar a chhuak, mahse mipui nawlpuiin kan sak theih lah kan tuipui chu a ngai tho a ni reng mai. Hei hian kan hla phuah thiam hmasate hlutzia a tilang chiang hle awm e.
Tawng dang atanga lehlin leh Mizo irawm chhuak Krismas hla tharte hian sak zui leh hriatzui a hlawh thei meuh lo, Bethlehem mual la hmu miah lo Mizo rilru hi Berampu leh Khawchhak mi fingte tel lo chuan Krismas hmang turin a inpeih thei tak tak lo a ni ber e.
Kum 2014 chhung atana Branch OB tura thlan chhuahte Duhsakna Phurrit tak mai kan hlan a che u.
Editorial Board-te’n kum 2013 Krismas hlim leh lawm taka hmang turin YMA AW chhiartu zawng zawngte Duhsakna chibai kan buk a che u. Hlimin zai ang che, Muttui mangtha.