Naktip maiah Branch YMA hruaitu tur kan thleng dawn. He hun hi memeber te’n kan ngai pawimawh tur a ni ang, hruaitu thlan hi kan mawhphurhna a ni tih kan hriat a ngai khawp mai.
Engang mi nge kan thlan ang tiin rilru kan siam a ngai. YMA hruaitu ni tur hian tehfung hran vak a awm lo. Thiamna lam en a ngai hek lo. mahse, YMA chu tlawmngai pawl a ni a, chuvangin hruaitute pawh mi tlawmngai filawr tak a ni ngei turah ngai ang. Tehna hrang hrang atang chuan tumah kan teh tling kher lo vang; mahse mi thatna zawn hi thlir thiam a ngai fo.
Khawvel changkang zelah Pawl hruai tur hian mi thiam an pawimawh tulh tulh mai, an thiamna a tangkai a, chhawr tur an awm bik riau. Kan thiamna leh finna te hi pawl hmasawn nan leh veng tana kan hman thiam a ngai khawp mai. Chutih rual chuan, YMA chu inpekna tel lo chuan kaihhruai theih chi a ni tlat lo.
Mi thiam, inpe si lote hian pawlah hmasawnna an thlen meuh lo, pawl an awp hlum fo mai. Mi mawlte pawh pawl tana a inpek a, pawl a hmangaih miau chuan an tangkai thei zawk fo.
Veng hmangaihtu, mi tlawmngai leh inpe, hruaitu tha tak thlang chhuak thei ngei turin Pathian hnenah dil ila, kan duh chu kan hmu ngei ang.