Kan Article nen sawi zawm a remchang bawk a, tun tum chu a lunglenthlak lam hawi in hrut chhin teh ang. Kohhran a indan hian veng (Branch YMA, Local Council) indante pawh a a la hring chhuak zel turahte pawh ngai ila, kan tisual kher awm love.
Chanmari West veng chhunga lo khawsa hmasa tawhte rilruah chuan hun kal tawh a lo lang chuai chuai awm e. Engpawhnise, Kohhran thar a piang emaw, Pastor Bial (Presbyterian Kohhran bikah) thar piang pawh nise YMA member-te rilruah chuan thil dang vang a leng tak tak chuang lo. YMA thil tum leh kalphung a danglam dawn lova, Tanpui ngaite Tanpuitu nih tumin hma a la reng dawn.
A thil tum ang ngeiin Branch YMA chuan tanpui ngaite tanpuiin sum leh pai a sem chhuak leh dawn. He rawngbawlna hi a ropui takzet a ni. Chutih rual chuan hemi kawngah hian mitinte hi kan thanharh deuh deuh a, mite tihturah dah mai lova, chhungkua leh mimal pawhin mi dangte tanpui hi kan intihhmuh a ngai khawp mai.
Kan rin, Isua lo pian chhan hi mi dangte tana nun pek a ni tih hriain; kan hunpui hi mi dangte tana inpekna atan i hmang theuh ang u.;