@ CM Bangla thlanga leivung tawlh thla mai tur awm chu a paihfai hnathawh tan tura hmalak mek a ni a, reilote ah paihfai theih beisei a ni.
@ Vanapa Section(Pu Runa Mual) chhaklam atanga lung rawn lum thla tur chu hlawhfa laka vuak sawm a ni.
@ Ruah sur avanga leh eng emaw avanga harsatna neite chuan Disaster Management Committee te hriattir zel tura ngen kan ni e.
Central YMA thuchhuah
Ni 17.8.2012 hian Central YMA chuan thuchhuak a siam, hetiangin Tunlaiin India Hmarchhak mite tan India ram hmun thenkhat a ralmuang lo anga thuthang a awm avangin, Mizoram Sorkar chuan chak takin hma a la a, India Prime Minister leh Home Minister leh Sorkar mi pawimawhte hnenah pawh, Hmarchhak mite himna tura hma la turin ngenna thlen a ni tawh bawk a ni.
Hetianga boruak a awm lai hian, Mizo mipuite chiai lo tur leh kan unaute himna ngaihtuah chunga, fimkhur theuh turin Central YMA chuan mi tinte a ngen a, thu belhchian dawl lo leh mite hruai khaw lo thei thil reng reng Chanchinbu leh Facebook velahte thehdarh lo turin mi tinte Central YMA chuan a ngen a ni.
CENTRAL YMA NEWS
@ Ni 3.8.2012 khan CEC an Meeting a, thurel tlangpuite :
@Gen. Conference 2012 detailed programme committee hetiang hian siam a ni.
Chairman : Pu R.L. Rindika, Asst. Secy
Secretary : Pu Roneihthanga, CEC
Members : 1. Tv. Lalhmachhuana, CEC 2. Pu Lalrinmawia, CEC 3. Pu Lalhmingmawia CEC 4. Pu Lalnunmawia CEC.
@Thupui sawituatan Pu Lalbiakzuala, Vice President ruat a ni a, Khuallian atan Pu Lal Thanhawla, Chief Minister sawm tum a ni. Central YMA sum Audit turin Pu R. Vanlalsawma CEC (Auditor Sr) leh Pu Lalchangliana CEC (Auditor Jr) ruat an ni a, 15.9.2012 a audit hi zawh hman tur a ni ang.
@Kumpuan bawhzui tha endiktu turte
Pu K. Lalthlantuma CEC - Convener
Pu V.L. Chhuanga CEC
Pu Lalrinmawia Sohnel CEC
@Ramngaw leh Nungcha Humhalh tha leh Tuihna humhalh tha endiktu turte
Pu J.K. Duailova CEC - Convener
Pu J.H. Vanlalhuma CEC
Pu Z.D. Sangkhuma CEC
@Central YMA hnuaia hnathawkte hlawh chu tihpun remtih a ni a, Sept 2012 atangin hlawh thar hi hman tur a ni.
@Ni 13-25.8.2012 chung hian Art & Culture Centre, Berawtlangah Ruihhlo ngaite pualin Chhanchhuahna Camping buatsaih a ni a, Speakerah Upa PC. Lalhmachhuana, Holy Fire Team a ni.
@YMA Chanchinbu lak man kum khat atan Rs. 70/- ni thin chu kum thar 2013 atangin Rs. 100/-a tih pun tum a ni.
@Ni 8.8.2012 khan Vanapa Hall-ah Tuihna humhalh leh a awmsa tihpun chungchanga beihpui thlak chu Pu Lal Thanhawla, Chief Minister, Mizoram-in a hawng a, he beihpui hi District hrang hrangah buatsaih zel tur a ni a, karleh ni 17.8.2012 khian Saikuti Hall, Lungleiah Sub-Hqrs. YMA, Lunglei huamchhunga Group leh Branchte tan buatsaih a ni ang.
@Ni 11.8.2012 : Central Jail-ah Pum thar kaini hman a ni a, Central YMA te hmanpui tura an sawm angin Pu Vanlalruata, General Secretary, Pu R.L. Rindika, Assistant Secretary, Pu R. Lalngheta, Treasurer, Pu K. Lalthlantuma CEC ten an hmanpui a, YMA Thuthlung sawi ruala intihsiak an endik.
ZOFA NEWS
@ Ni 15&16 Aug 2012 khan Song & Drama prog hmangin Lungdai leh Kawnpui ah programme an nei a, member 25 vel zet an kal. Hruaitu leh member thawkchhuakte chungah lawmthu an sawi.
@ Club T-shirt la lei lo tan Secy Pu Hlutea hnenah Rs 150/- in lei theih a ni a, T-shirt hi Club thiltih nikhuaa hak ziah tur a nih avangin member-te chu nei theuh turin an inchah