@ Digboi Assam ami khu India rama oil thlitfimna hmasa ber a ni.
@ India rama tribal kan tih ho zingah Santhal te hi an tam ber a, tunhma Bihar-ah te, West Bengal -ah te, Orissa-ah te an awm ber.
@ Khawvela restaurant lian ber chu Tump nak restaurant a ni a, Bangkok Thailand a awm a ni. In 65 zawm khawm a ni a, ram hectares 4 zet a luah a ni.
@ China ramah chinese scientist ten kum 3000 zet a upa zu an hmu chhuak a, khawvela upa ber nia hriat a ni. Heng zu te hi shang dynasty hunlai a, an thlanin atanga an hmuhchhuah a ni a, central china a awm a ni.
@ Pilgrim State Hospital, W. Brentwood, New York,USA a mi hi khawvela damdawi in lian ber a ni a, rilru lam damdawi in a ni.
WARREN BUFFETT
Mi hausa tawntaw, a hunlaia khawvel mi hausa ber dawttu ni pha Warren Buffett hi kum 1930 khan a lo piang a, kum 6 mi lek a nih lai atanga sum dawn tan tawh a nih avangin sumdawnna hi a kawng tur a ni tih a hrethiam nghal mai a ni.
Susie Thompson chu nupuiah neiin fa pathum an nei a ni. Number chhinchhiah thei em em mai hian lehkha chhiar a taima hle a, stamps, pawisa thir, bottle chhin lakkhawm leh motor number chhinchhiahte hi a tuipui thin hle.
Sumdawng tur awm tak mai Warren Buffett hian Columbia University atangin Master in Economics a zo. Mi rethei tana inphal em em mai Warren
Buffett hian 'The Buffett foundation' a din a, kumtin $12 million a pe thin a, $31 million zet chu mi rethei tanpui nan a sem chhuak tawh a ni. A thih hnuah a sum 99% chu hna tha thawh nan pek a la tum cheu bawk a ni.
1. Kum 14 mi a nih laiin chanchinbu sema a inhlawhna hlawhin farm te tak te a lei tawh a ni.
2. Kum 50 kalta a, a nupui neih hlima, in tereuhte pindan pathum awm, pal hungna mumal pawh awm lovah an leiah an la cheng a, hetah hian an mamawh a kim a ti thin.
3. Amahin a car a inkhalh a, driver leh security guard a nei ngai lo.
4. Cell phone a hmang lova, a dawhkanah computer a inchhawp ngai lo.
5. Mi hausa leh challangte a kawm ngai meuh lova, a hunawlah chuan ama kan pop corn ei pahin Tv a en mai mai thin.
6. Kum 2002 khan Bill gates nen an inhmuh hmasak ber a ni a, Bill gates hian a mize mil nia a hriat loh avangin darkar chanve chauh inkawm hun a duang a,a han inkawm tak tak chu darkar 10 lai an inkawm a, bill gates hian a ngaina hle a ni.
Warren Buffett a zirtirnate- mihring hi pawisaa siam a ni lova, pawisa hi mihring siam a ni zawk, simple thei ang berin nun tur,mite sawi leh tihdanin ti ve mai mai suh, ngaithla ula , tha intih zawng chauh zawm rawh u. Thawmhna changkang leh manto a nih vang ngawtin inbel suh u, hak nuam leh inhmeh zawng chauh inbel rawh u. Tul lova pawisa hmang mai mai lovin, a mamawhtute tan hmang zawk rawh u. I nun hi nangma nun a ni a, i nunah mi dang rorel tir suh.
Hmeichhia chu....
1. I fawh chuan zak lo a ti che ang a, i fawh loh chuan 'PA' an ti lo ang che.
2. I zei viau chuan,'i lo ti nasa tawh hle a ni maw' a ti che ang a, i zei loh viau chuan ‘chhass-ah’ an duh lo ang che.
3. Zan tin i len ziah chuan a ning che ang a, i len khat viau chuan a ringhlel ang che.
4. I inkhawm peih viau chuan ‘krist’ si a ti che ang a, i inkhawm peih loh viau chuan sual si a ti thung ang che.
5. I khawlai mi viau chuan a ringhlel che ang a, i tawm tlawk tlawk chuan an ngaihzawng peih lo ang che.
6. Ruihtheih thil i khawih chuan an ngaihzawng tha peih lo che ang a, i khawih loh chuan ‘NU’ si an ti ang che.
7. Party, picnic etc vela kalna tur i hriat viau chuan an ringhlel che ang a, kalna tur i hriat loh chuan an hmusit ang che.
8. I incheih deuh vawng chuan an ngaih tha lo fo ang a, i inchei peih loh chuan ‘tawp si’ an ti ang che.
9. A nu leh pa i bum sak thiam viau chuan 'i lo ti tawh thin a ni maw’ an ti che ang a, i bum zei loh viua chuan 'zei si lo' an ti ang che.
10. I luck viau chuan a veng reng che ang a, i luck loh viau chuan a induh khum ang che.
11. Zana i len rei viau chuan a ning che ang a, i len rei loh chuan lenna tur dang i nei a ni a ti leh si ang che.
12. Rui chunga i len chuan eng ngatinge rui chunga i lo len a ti che ang a, i ruih loh chuan a zah hle ang che.
13. A chanchin mi dang hnena i sawi chuan a thinrim ang a, a bulah mi dang chanchin i sawi i sawi chuan a thin a rim ang.
14. Mikhual nula i hriat theih viau chuan lerkawh si' an ti che ang a, i hriat theih loh viau chuan hawiher zau lo si a ti ang che.
15. Thim zinga i awmpui chuan a thim si a ti ang a, enga awmpui i tum leh 'a eng si' an ti ang.
Zofa News
@ Veng chhung mi, thalai a duh apiang tan Mizo Hnam Lam zir hun Ni 21 zan atang khan an siam a, veng chhung thalai a duh apiangte zir turin an insawm.
@Club member te tan T-Shirt mawi tak siam a ni a, member ten a man pangngai chanve chauhva lei tur a ni a, member zawng zawngte lei thei vek turin an ngen.
@ Club Dress Bag thui that ngai leh Zipper thlak ngaite siam that saktu Pu K. Rochungnunga (V-sect) chungah an lawm hle.
@ Lam zirna atana Zawlbuk hmantirtu Branch YMA chungah lawmthu an sawi.
@ Ni 26.6.2012 (Thawhleh) zan hian YMA Zawlbukah Lam zir leh tur a ni a, member leh hruaitute kim taka kal turin an inhriattir.