An fel tawh teh reng nen Tv. Hmingthana ‘V’ leh Tv. Mawia ‘CH’ ten ‘weekend hi chu awm lo se kan fel ngawt ang’ an tih hun a lo thleng a, 4:30 AM:- Chda mobile chu a chik tat tat a, branch Secretary zualko sms a nih palh ringin peih lo chung chungin a han en hram a, chutah Tv. Mangheta pawhin Zofa thu thar a nih hlauh takin tiin a han hawng bawk a. Zing dar 10 a tho tan chuan a hma mah mah; mahse, a hawn loh chuan sports news a lo niha a hriat loh chuan a pawi dawn si tiin Tv. Ti-a chuan a han en ve bawk a, vengchhung mi pawimawh? zawng zawng deuh thaw chu he hunah hian an harh rual deuh thup a, an han en chian chuan, “ Janin ymao chut zan o, buk lam i pan khwm ag’.
He thu leh hun hi pawimawh tak a ni, YMA AW min ti chak a, min ti phur a, big Boss hi a dang la neih belh leh phei ila chuan aw....
Thlanmual Sub-Committee
@ MHIP ten kuang tuamna eng emaw zat an thui saka, an lawm hle.
@ Taitesena Section ten tea tray pahnih thlanmuala dah turin an rawn pe a, an chungah an lawm hle.
@ An secretary Khanpuia zin pawh dam takin a lo haw leh ta.
Badminton Club
Aizawl Central Badminton Association chuan Aizawl Open 2012 (All Mizoram ranking Tournament) a buatsaih dawn a, member-te lo inbuatsaih turin an inhriattir.
A hun : 24th July 2012
A hmun: YMA Hall, Electric Veng
Open Categories:
1. Under-19 (Singles - Boys & Girls)
2. Mens Singles & Doubles
3. Womens Singles & Doubles
4. 35 + Mens Singles & Doubles
5. 45+ Veteran Singles & Doubles
6. 50+ Mens Doubles
Entry Fees : i) Under-19 Rs 100
ii) Others - Rs 200
Last date of entry: 18th July 2012
till 5:00 PM
Thlanmual kawng
Thlanmual hi Local Council thuneihna hnuaia awm a ni a, thlanlaih len enkawl hi YMA kut a ni thung. Kan hriat angin kan thlanmual kawng hi a zimin a chhuk chho hle a, mitthi kan neih hian YMA chuan Bus a hmang thin a, bus kan hman hian eng emaw chang hi chuan a hmun a thleng thla ngam thin lova, mitthi vuia kalte thui tak kea an kal a ngaih phah thin.
He kawng hi kum eng emaw chen chu kan la hmang dawnin a lang si a, chuvang chuan thuneitu lam hian kawng tha zawk zawn chhuah dan awm se, a tha khawpin a rinawm.
Property Committee
@ Ni 14.7.2012 (Inrinni) khan YMA Park a shed chhia siam hnatlang neih a ni.
@ Secretary Pu Lalnunsanga damlo pawh tha thuai se an ti hle.
@ Hun remchang hmasa berah Pu TC Lalhmangaiha huanah feh pah a chawhlui kil ho tur a ni.
Zofa
@ Ni 5.7.2012 (Ningani) a Reiek a an hun hmanna thlalakte chu Cham Cham Store atangin siamtir theih a ni.
@ Ni 17.7.2012 zan dar 7:30 ah YMA Zawlbukah lam zir leh tur a ni a, hruaitute kim taka kal turin an inhriattir.
THIHNA
J. Nanga
Thihna hi engkim tawpna a ni.
Thihna chungchangah hian ngaihdan a hrang thei viau awm e. A tawp hmiah a, a reh vang vang a,beisei tur a awm tawh lo thin reng a ni.Lusun manganna a lo thleng a, chutah chiah chuan nun leh dan turah thil buaithlak deuh a lo thleng thin reng a ni.
Thihna tawk chhungte hnem tur hian thihna tawk tawh vekte tan lo chuan sawi tur a vang em em a, tawngkam thiama inhnem ngawt tum chi pawh a niin a lang lo. Thihna hi tawrh lutuk tur pawh a ni lo han tih ngawt chi lah ni hek suh. Chutih laiin tuarna tak takte pawh hi dem ngawt chi chu a ni chuang si lo. Thenkhat nunah chuan thih chu thih a ni ve tawp mai a ni. Chuvang chuan thihna awmzia hi hriatthiam theih tak tak pawh nin a lang lo, a tuartu ber a awm tawh miau loh avangin a tuartu chhungte ngaihdanah a innghat ber awm e.
Germany ram hruaitu pakhat chu ram danga a zin hlanin, a hmangaih em em, a fapa mal neih chhun chuan a boral san hlauh mai a, a nunah harsatna a tawh phah ang tih hlauin a thuihhruaite chuan an hrilh hreh a; mahse, an awm dan atangin thil dik lo a awm a nih a ring a niang, a zawt a, hreh tak chunga an hrilh chuan, ani chuan,'thi thei lo fa ka hrin ka ring lo reng a ni' a lo ti mai a ni. Mihring hi thi thei kan ni a, thi tura lo piang kan ni bawk tihah a chiang hle a ni ang.Kumhlun tur nu ngat ila chuan Isua Krista kha hreawm hreawnm tuar a, kross-a a thih a tul lo tur.
Mizo upa chuan nupui pasal insun chu dar sahthlak ang a ni an ti a, dar sahthlak sak la tuar lo tan pawh hian a nat dan tur chu a hriat mai. Thihna dangah pawh chutiang chu Mizo ngaihdan a ni tlangpui awm e. Thihna chungchangah kher kher phei hi chuan Mizo hnam hi a la lungrun pawl tak kan ni ngei ang. Kan hla tha tih theih deuh thaw zawng zawng hi he huang atanga lo chhuak a ni reng a ni, thihna hi malsawmna. Thenkhat chuan he thihna avang hian an hna emaw an nun emaw an eng emaw chanin an chhiat phah thei a, thenkhat leh thung chu an invawrh kan phah hlauh thung a, an Pathian pawh an hnaih phah hlauh thin a, lawmna thar an chhar chhuak thin. Heng zawng zawng han ngaihtuah hian thihna hi a tha a, a tha lo bawk. Mahse, kan tuar dawn tho.
Bible chuan he thihna hi a ngam siah siah khawp mai,'Aw thihna khawnge i tur chu' tiin a cho sak sak mai a ni. Thihna hi tawp hlenna ni lovin, nunna kawngka a nih zia a puan chhunzawm hial zawk a ni. Hla phuahtu pawhin, 'thihna thihna a kan ngaih a bang tawh ang' a ti. Hei hi Isua Krista ringtute awmdan tur chiah pawh niin alang a ni.
Mihriang dam hun chhung chu kum reilote a ni a, thih hnu nun chu chhiar sen loh kum a ni thung. Chuvangin thihna chu chtuan nen a inzawm tlat a ni.
Thihna hi engkim tawpna a ni leh lo, bul tanna a ni chauh zawk.
HMEICHHE FOOTBALL
July ni 24 atanga ADFA-in, Hmeichhe Football Tournament-a buatsaih tura veng aiawha tel duh tan a hnuaia hming ziak hnenah hian in report tur a ni e.
Tv H. Lalnunzira (T-sect)
9862435780