@ Ni 25.6.2012 zing leh Ni 27.6.2012 zing khan Retailer No-I&II leh K.oil Dealer-te an semna hmunah kalin enfiah a ni, sem dan dik tak leh sem hun chhung vawng dik turin an hriattir.
@ Ration Card thar Retailer No-I & II ah Rs. 10/- leh Ration Card hlui kengin a lam theih tawh e.
@ Buhfai leh Khawnvartui Dealer te sem danah mahni dawn tur ang dawng pha lo leh thil dik lo awm ni a hriate chuan Pu F Zosanga emaw Tv Zairemmawia hnenah ziakin emaw phone-in emaw theih a ni.
@ Hun remchang hmasa berah Retailer, Dealer-te leh Vigillance Committee te inkawm ho tum a ni.
Thlanmual Sub-Committee
@ Ni 30.6.2012 khan Thlanmual Sub-Comt, Branch OB leh Section Leaderte’n nilengin kuang duan hnatlang an nei. Hnatlang a chhuakte chungah Comt. chuan lawmthu a sawi.
@ An member Pu K Lalrinmuana’n in tha tak a sa zo thei chu an lawmpui. In thar lawm turin memberte an in ring hle.
ZOFA NEWS
@ Veng chhung mi, thalai a duh apiang tan Mizo Hnam Lam zir hun an buatsaih chu ngawrh takin an kalpui mek zel a, zir thar tur tan eng hunah pawh zawm theih reng a ni e.
@Club member te tan T-Shirt mawi tak siam a ni a, member ten a man pangngai chanve chauhva lei tur a ni a, member zawng zawngte lei thei vek turin an ngen.
@ Ni 3.7.2012 (Thawhleh) zan dar 7:30 ah lam zir leh tur a ni a, member te leh hruaitute kim taka kal turin an inhriattir.
@ Lam zirna atana Zawlbuk hmantirtu Branch YMA chungah lawmthu an sawi.
KUT KAWR
Kut kawr hi miin eng emaw harsatna emaw hliam emaw an tawhin police ten bunin an hmang thin a, damlo enkawltu doctor leh nurse-te hian an damlo enkawlteah hian an hmang bawk a, an fimkhur avangin an bun a ni ngei ang. Police-ten kut kawr bun chungah an mi hliam emaw mitthi emaw an khawih hian tlawmngai lo, tenchhia tiin kan sawi ngai lova, doctor leh nurse-ten an damlo enkawlte khawih nana kut kawr an bun hian damlote min tih kan ti ngai lo, an fimkhur hle mai kan ti thin.
Heng dortor, nurse leh police-te hian keini chu 'high risk group' kan ni alawm an ti thin, a dik khawp ang. Tunhma khan kan veng YMA-te pawh hian ruang khawih dawn hian kut kawr an bun thin a, tu emaw hliam buaipui ngai an awm palh takin invenna tur kut kawr an kawl tha bawk thin.
Khawvel a lo changkang zel a, kan veng YMA chuan kut kawr bun kan kalsan a, hmanlaiah kan let leh niin alang. Kut kawr hi tute emaw hliam buaipui ngai an awm hun atan hmun hrang hrangah hian dah thluah thei ila, mitthi eng ang mi pawh an awm palh pawh hian ruang buaipui turte chuan kutkawr tha tak bun tlang vek bawk ila a tha viau lo maw.