@ Thlanmual a hman tur Cement bag ruak a tlem tawh avangin pek tur neite chuan he No. 9862655426 ah hian khawngaiha inhriattir tur a ngen inni.
@ Thlanmual bungruate tah hriam sak a, chei hnum sak thintu Pu Zothanpuia chungah Committee chuan lawmthu a sawi.
@Tlangvalte’n vengchhungah chhiattawk an awm in thlanlaih hi kan tih tur a ni tih hriain thlanmual lam panin a tam thei ang ber kal tum theuh ang u.
@ MHIP te’n kuang tuamna puan an thui sak thin avangin Committee chuan lawmthu a sawi ani.
ZOFA NEWS
@ Club T Shirt peih fel tawh a ni a, member-te Rs 150/- kengin Secretary hnenah lam theih a ni.
@ Vengchhung pawl hrang hrangte nena intihhlimna neih tuma hma lak mek a ni.
@ An hruaitu Tv. Mangheta leh Pu Thaa zin pawh dam takin an lo haw leh ta.
@Song & Drama Programme Kolasib-a nei turin hmalak mek a ni.
CHHUANAWM
Lalchawimawi Ngente chuan Department of Forestry, Mizoram University atangin Ph.D a dawng. Chanmari West atanga hetiang degree dawng thei pathumna a ni a, hmeichhiaah phei dawng awmchhun a ni. Pu Remsangpuia nupui Dr. Lalchawimawii Ngente hi Pu VL. Hmuaka leh Pi Lalhlupuii-te fanu neih chhun a ni. Unau pali zinga upa ber a ni a, a naute pawh hi an thiamna kawngah chuan graduate anni vek tawh a ni.
Ni 16.12.1981 a piang Chawii hian Pu Lalkunga School atangin zir bul a tan a, Middle School chu Chanmari West Middle School-ah a kal a, RM High School leh Govt. Mizo Higher Secondary School atangin matric a zo leh a ni. Higher Secondary chu Repuplic Higher Secondary School atanga zovin Bsc(Botany) pawh Pachhunga University College atangin a zo leh bawk.
College of Teacher Education a thawk mek Dr. Chawii hian M.Sc (Botany) chu Madras University atangin kum 2004 khan a zo va, kum 2006 khan Mizoram University atangin B.ed a zo leh bawk. Zirna kawngah hian mi taima tumruh tak a ni a, tunah pawh hian nu ni chungin he degree hi a sual chhuak a ni.
He degree a lakna turah hian a thesis chu "Phytochemical Investigations of selected etho-medicinal plants of Mizoram" a ni. Ramhmul damdawia hman thin hrang hrangte zirchianna a ni a, thlai thlan bik chu sawr zim lehin thlai pakhat ‘Raisentur’ tih chu zir bing leh a ni. Tichuan he thlaia damdawi awm hi lakchhuah a ni a, eng chemical nge tih zawn chhuah leh a ni. Mizoten he damdawi kan hmanna chu kawthalo leh santenah a ni a, hetianga he damdawi kan hman hi a tha ngei em tih laboratory-ah zirchian leh a ni a, a lo tha ngei tih pawh finfiah a ni.
CENTRAL YMA NEWS
@ Ni 20.7.2012 khan Selesih Branch YMA chuan Legal Awareness Campaign an nei a, he hun hi Pu R. Thanga CEC, Tv. Lalhmachhuana CEC leh Legal Sub-Committee member ten an hmanpui.
@ Ni 21.7.2012 zing dar 1 vela ZK Travel MZ 01 E 7105 Keifang Quarry chimin a hnawl avanga nunna chan mi 18 te chu Central YMA hmingin ralna Rs. 1000/- theuh pek an ni a, Keifangah hian Pu Vanlalruata, Gen. Secretary leh Pu Lalhmingliana Colney CEC te an kal bawk.
@ Ni 19.7.2012 khan Ailawng Branch YMA ten Rising Day an hmang a, Central YMA atangin Pu T. Sangkunga, President-in a hmanpui.
@ Mizoramah Petrol pawh dal a awm thin avangin Aizawl khawpui chhunga Petrol Pump neitute chu 23.7.2012 khan Central YMA Office-ah Office Bearers te nen an inkawm.
@ Ni 26.7.2012 khan YMA General Conference thurel ‘Tuihna humhalh leh a awmsa tihpun’ chungchangah CYMA leh PHED ten Coordination Committee an din chu PHED E-in-C Office Chamber-ah an thukhawm a, he meeting hian ‘Tuihna humhalh beihpui’ hawnna Ni 8.8.2012 hian Vanpa Hall-ah neih nise an ti.