* Ni 26.10.2013 (Inrinni) zan inkhawm ban khan Committee an nei.
* Sumtuakna atan a duan / siam 'Kawngpui Ningkhawng" lehkhabu chu zawh fel a ni tawh a. Sumtuak hnatlang neih vat tur anih avangin memberte tan la thar sauh turin an in ngen.
* Ni 25.10.2013 (Zirtawp) khan J.JOHANA Motors Servicing atangin Excise Department in Sap Zu an man a, Section huam chhungah Zu leh ruihtheihthil reng reng Sawrkar lam emaw NGO ten an man leh anih chuan Neuva Section huamchhung a sumdawnna neih leh awmhmun khuar reng reng a rem tawh lovang tih an in hriattir.
* An member Pu K.Manthanga damlo New Life Hospital a awm mek pawh a dam that leh thuai an duhsak hle.
* Vengchhung a lo thianghlim zawk theihna atan sawrkar dan phal loh, Ruihtheihthil zuar hria chuan hruaitute hnenah hriattir thin turin an in ngen.
* An Secretary Pu EVL Hruaitluanga'n fapa duhawm tak a nei thar chu an lawmpui hle.
* Vengchhunga chhiattawk an awmin hruaitute leh member-te tan la sauh sauh turin an in chah.
KHUNAGCHERA SECTION
* Hun remchang hmasa berah meeting neih an tum.
* Ni 26.10.2013 (Inrinni) khan Kuang duan hnatlang an nei.
* Chhiatni Fund khawn nawn leh mek a ni a, la pe remchang lote pawn a rang lama hruaitute hnena pe turin an ngen.
* Section huam chhunga exam nei mekte’n hlawhtlinna an chan ngei an duhsak.
* YMA General Conference, Khawbunga neih zawh takah an hruaitu Pu Zonunsanga, Tv Israela, Nl Lalchhandami te leh member 10 lai an kal thei a, an lawm hle.
VANAPA SECTION
* Section committee-in a lo rel tawh angin Vanapa section YMA Picnic chu November ni 14, 2013 (Ninga) ah neih tur a ni a, Section chhunga YMA member kal duh turte chuan Secretary leh Asst. Secretary hnenah hming leh $ 50 pek tur a ni. Hming pe an tlem chuan Picnic hi thulh a ni ang.
* Pi Rosiami leh Pu C. Thanchungnunga In inkara zana tlangval hawklak thu thinte chu thu tawh lo turin an hriattir a, thu lui leh an awm chuan na taka hmalak an tum.
* Pi Thanpuii W/o C. Lalnunmawia Joint Director atanga Joint Secretary Finance a a kaisang chu an chhuang hle.
* Ni 26.10.2013 (Inrinni) khan nilengin hruaitute'n kuang duan hnatlang an nei.
* Nl C Lalbiakzuali d/o C. Lalsangzuala chu North East Fashion Fusion, Dimapur-a Solo competition ah a tling a, an lawmpui hle, a kal leh zel na turah duhsakna an hlan. October Ni 28 zanah LPS leh Zonet-ah an zai hi a chhuah beisei a ni.
TAITESENA SECTION
* Ni 21.10.2013(Thawh\an)zan khan committee an thu a, thu pawimawh tak tak an rel.
* Section No hmanlai chu a that tawk tawh loh avangin a thar lei tum a hmalak mek a ni.
* NO thar lei nan Pi Kungpuii'n a pasal Pu B.L Zuia hriatrengnan leh Pu Hmingthanzauva'n an nau Lalrosiami hriatreng nanpawisa thahnem tak an pek avangin lawmthu an sawi tak meuh a ni.
* House Number leh Name Plate nei lo ten Secy te hnenah inhriattir tur a ni a, a man chu hetiang hi a ni
a) House Number= $ 30
b) Name Plate = $ 100
* Chhiatni Fund khawn mek a ni a, chhungtin te ngai pawimawh turin an inngen. Tin, a khawn fel tawh ten a rang lama Section Asst.Leader hnenah thehluh tur a ni.
* CWFC te an kal zelna turah duhsakna an hlan.