@ Asst. Leader Pu Lalthanruma chu hna avangin Lunglei ah a zin mek, Dam taka arawn haw leh thuai an beisei.
@ An hruaitu Ricky Lallawmkima chuan kawppui tha tak a nei thar a, nupa hlim tak an nih a, fanau neia mal sawmna dawng turin duhsakna an hlan.
@ Ramhlun veng leimin tuarte tana vehbur an khawn petu te zawng zawng chungah lawmthu an sawi.
@ Committee member Pu K. Lalchullova fanu Nl Ruthi Lalnunsangi chu Nazareth Hospital ah a awm mek a, dam taka a rawn chhuah leh thuai an beisei.
CHANWGBAWLA SECTION
@ Ramhlun vengthar leh Ramhlun Sport Complex a chhiat tawkte tana tanpuina chu Section chhung in tinah khawn a ni a, chhungkua 202 in Rs 14640 an thawh thei a, hetiang hi bial hrang hranga a luh dan a ni:-
Bial 1na - Rs 1400
Bial 2na - Rs 2250
Bial 3na - Rs 1620
Bial 4na - Rs 1450
Bail 5na - Rs 1100
Bial 6na - Rs 1550
Bial 7na - Rs 2300
Bial 8na - Rs 1630
Bial 9na - Rs 1340
Bial 7na hian an hmu tha ber a ni, a thawhtute chungah lawmthu an sawi.
@Tunkar Thawhlehni hian Section chhungah Sangha an zuar dawn a, zawrh tum hmasak thulh tak a mi tlawmngaite kha rin leh mai tur a ni e. a man hi 1 Kg Rs 170 a ni ang.
VANAPA SECTION
@ Ni 2.10.2012 (Thawhlehni) zingkar hian section huam chhungah FAINA HNATLANG neih tur a ni a, YMA member leh YMA Chhang member zawng zawngte he hnatlangah hian thawk chhuak vek turin an inngen. Hnatlanna hmanrua mahni neih remchan ang ang thawhchhuahpui nise, zing dar 6:30-ah Leader Pu VL Thakima te kawtah innghahkhawm tur.
@ An Leader Pu VL Thakima chu hritlang khawsik avangin a nuamsam meuh lova, a dam that leh thuai an duhsak hle.
@ Section chhung mi damlote: Lalchhandami d/o Lalhmingliana, Hmingthansanga (Hmingtea) s/o H. Lalchungnunga (Durtlang Damdawi Inah), Pu Ziaksanga Nu (Durtlang Damdawi Inah), Pi Lalzami m/o Zohmingliana Tlau (Durtlang Damdawi Inah), Pi Lalthanzami w/o C. Laltanpuia, Pi Rosiami m/o H. Lalchungnungi. Heng damlo te hi an damthat leh thuai an duhsak hle.
@ Pu C. Thanchungnunga leh Pi Zoramthangi w/o RK Ramherliana te phai lama in check up chu tluang takin an rawn haw. Pu Lalremmawiate naute damlo pawh dam takin Greenwood atangin an lo chhuak a, Pu Remsiama (RSA) pawh dam takin Damdawi In atangin an lo chhuak.
@ Doordarshan-a YMA Zaipawl an record-na hlawh Rs 10,000 chu Leader Pu VL Thakima'n chak taka hma a lakna zarah an hmu fel ta, Leader chungah an lawm hle.
@ Pu Lianchhuna in bul kawra leivung paih an la awm chu pawi an ti hle a, paih tawh lo turin an hriattir. He hriattirna hi an la zawm lo a nih chuan YMA AW-ah an hming tarlan a ni tawh ang.
@ Ui enkawl tha lo leh chhuah an la awm chu tha lo an ti hle. Sorkar dan dinglai angin ran vulhtute mahni ranvulh khuahkhirh turin an hriattir
KHUANGCHERA SECTION
@ YMA RUN Extension neih tum a ni a, Hnatlang turin Memberte lo in kau tur a beisei kan ni.
@ MUP Chanmari West Unit ten Upa te ni Dt 1/10/12 a an hman turah thingpui lumsak an ngaih dawn avang in member zawng zawng te thawkchhuak theuh turin anin ngen.
@Member Pathiana siamtharna chang zawng zawng te kan lawmpui a, YMA activity hrang hrang ah inthlahrung lova mahnita anih anga rawn tel chhunzawm turin kan lo beisei theuh e.
@ Ni 2/10/2012 (Tuesday) Faina Ni hian zingkar hnatlang neih tum a ni a, YMA Member leh YMA chhangte hnatlanga thawkchhuak vek turin an in hriattir.
@ Bungraw nawrna tur Tawlailir thar thatak an nei thar.
TAITESENA SECTION
@ Ni 27.9.2012 zing khan lung thiara hnatlan a ni a, a thawk chhuakte chungah lawmthu an sawi.
@ Ramhlun vengthar leh Ramhlun Sport Complex leimin tuarte tana vehbur an khawn chu Rs 12100 a ni, petute chungah lawmthu an sawi.
@ Ni 2.10.2012 (Thawhlehni) zing karah hian faina hnatlang beihpui thlak tum a ni a, member a tam thei ang ber thawhchhuah tur a ni.