@ Ni 25.10. 2012 zan khan Section Committee meeting vawi 8-na an thu a, Section hmalakna tur an rel.
@Ni 28.11. 2012 (chawlhni) tlai dar 3:00 hian Section huamchhunga rawn pem thar te tlawhchhuah tur a ni a, Section hruaitute Pasaltha Neuva inah innghahkhawm tur a ni, kim taka kal theuh turin an inngen.
@Kum 2012 chhung atana an section Project hrang hrangte an ti hlawhtling thei chu Committee chuan lawmawm a ti hle a, Ni 27.10. 2012 (inrinni) nileng khan Section thutthleng rawng kap tha a hnatlang a ni a, hnatlanga thawk chhuakte chungah lawmthu an sawi.
@Ni 7. 11. 2012 khian Sumtuak nan Section huamchhungah Sangha zawrh tum a ni a, chhungtinte tlawmngaih chhuah a lo leisak theuh turin an inngen, Tin, Section hruaituten mahni bial theuhah sangha lei duh tur hi zawng in ni 4.11.2012 ral hmain Secretary hnenah list thehluh tur a ni.
@Sairang road-a motor silna leh workshop neituten mihring kalna dal a motor dahtir lo turin an inngen.
@Section huamchhung a mi Pu Lalthansanga Singson tuna Manipur-a damlohna avanga awm mek chu ni 28. 10. 2012 (Sunday) tlai hian Section hming in an chenna inah kan tum a ni a, hruaitute kim taka kal turin an in hriattir in an inngen bawk e.
@Section chhunga house number leh name plate nei lote siam mek zel a ni a, hmaihpalh kan awm a nih chuan hruaitute hnenah report theih reng a ni.
@Section Property atan No bawm Box 10 leithar a ni a, Tlawm taka No bawm siamsaktu Pu K. Lalremruata chungah Section Committee chuan lawmthu a sawi.
@ Pi Lalchhuanmawii Durtlang damdawiin awm mek chu a dam leh thuai an duhsak hle.
TAITESENA SECTION
@ Sumtuaknan Balu leh Rora thiara inhlawhna siamsaktu Pi Khelzikite chhungkaw chungah lawmthu an sawi a, sumtuak hnatlanga thawkchhuakte chungah lawmthu an sawi.
@Section chhungah zunin siamna tur hmun Pu H. Thangdailova'n a pe chu an lawm hle a, a rang lama siam tum mek a ni.
@Section chhunga zuninte a chung siam tura hmalak mek a ni.
@November Ni 15 zan hian an section chhung a Nu leh Pa te nen khawtlang nun siamthat chungchang tih thupui hmang a inkawmho tum a ni.
@An Section chhunga damlo Pu Ngurtluanga leh Pu Khiangthuamate chu an dam leh thuai an duh sak hle.
@An leader conference a kal pawh dam takin a lo haw leh ta.
@An hruaitu Pu C. Lalrosiama, Mamit lama zin mek chu dam taka a lo haw leh ngei an beisei.
@An hruaitu Nl. PC. Lalrindiki ke na an zai pawh a dam leh thuai an beisei.
@Kum tawpah hian rokhawlhna dang a awm loh chuan Section intihhlimna ropui taka buatsaih tum a ni.
KHUANGCHERA SECTION
@ Ni 22.10.2012 (Thawhtanni) zan khan Section meeting a ni a, thu pawimawh tak tak rel a ni.
@ Ni 24.10.2012 (Nilaini) khan Section buk (YMA RUN) varanda chhuat chhunna tur siamin an hnatlang a. Hnatlanga thawkchhuak zawng zawng chungah lawmthu an sawi.
@ An hruaitu pawimawh Pu Lalthlamuana (Muantea), YMA General Conference hmanga Kawrtethawveng a kal chu tluang takin a lo haw leh ta.
VANAPA SECTION
@ Pu Lalramchhana (RC-a) ten fapa duhawm tak an nei chu an lawmpui hle.
@Ni 24.10.12 (nilaini) khan V-Section Sport an nei a, memberte an hlim tlang hle.
@Section Sport Report:
a) Section chhunga memberte Group 4-ah an in then a, 1) Awke 2) Monkey balls 3) Chhimthlipui 4) Chhimtaivang Group te an ni. 100m Race Mipaah Zonunthara pakhatna, Hmeichhiaah Zothanpuii Hnamte a ni, Shot put leh Discuss Throw-ah Zonunthara leh Cross Country Race-ah Reuben Lalhmingmawia ten Pakhatna an ni.
b) YMA chhangte pawh group hnih Zawhte Group leh Predator Group-ah an inthen a. 100m Race Mipaah Laltanpuia pakhatna, Hmeichhiaah Lalchhanchhuahi a ni, Cross Country Race-ah mi 26 tlanin Lalbiakmawia chu pakhatna a ni. Tug of War (Mipa) ah Predator Group niin Hmeichhiaah Zawhte group an ni ve thung a ni. Throwball (Mixed) ah predator group leh Football Mipaah Zawhte group chu pakhatna an ni.
@Ni 3.10.12 hian Indoor Stadium ah Sport hi chhunzawm leh tur a ni a, heng hmang hian inel tur a ni ang.
1) Volleyball 2) Musical Chair 3) Kawikah 4) Chinese Checker 5) Carrom Board 6) Sack race (YMA Chhang tan). Memberte kal theuh turin an inngen.
CHAWNGBAWLA SECTION
@ Ni 23.10.2012 (Thawhleh) zan khan Pu Chungate inah an meeting a, Section Project leh thil tul tam tak an rel.
@ Memberte intihhlimna tur leh intuaithar nan kum tluanin Section Project hi kalpui a ni a, hun hmasa lamah football a inelna leh YMA chhang tan drawing competition hlawhtling takin an lo buatsaih tawh a ni. Tun tumah hian “Pu Chunga Essay Competition” an buatsaih leh dawn a, thupuiah “CHANMARI WEST HMATHLIR” (YMA lam atangin) tih hmangin member a duh apiang tan ziah theih a ni. A sei zawng hi thumal 1000 bawr vel tur a ni a, Ni 25.10.2012 aia tlai lovah Section Secretary hnenah theh luh tur a ni ang. Lawmmanah pakhatnain Rs 2000, pahnihnain Rs 1000 leh pathumnain Rs 500 a ni ang a, consolation prize sem tum a ni bawk. He Essay Competitionah hian memberte tel vek turin an insawm.
@ Ni 13.10.2012 khian member leh YMA chhangte tan Football a intihhlimna buatsaih tum a ni a, a hmun atang High School Field beisei a ni.
@ Section Project hi Ni 13.12.2012 zanah YMA Park-ah a kharna hman tuma ni a, hetah hian House tin inelna tur solo leh Beat Contest tura ruahman a ni a, Sound system changtlung tak nen he hun hi hman tum a ni a, veng dang zaithiam sawm tum a ni bawk. Solo Competition bikah hian house tin atangin mipa pakhat leh hmeichhia pakhat tel tur a ni a, beat group pakhat theuh tel tur a ni bawk. House leaderten a tel turte hi lo zawn lawk tur a ni e.
@ Pu R. Rokimaten Section thutthleng siam nan Rs 20000 an pe a, hemi hmang hian Nimin khan thutthleng siamin an hnatlang. Pu C. Lalramdinate chhungin an pa hriatreng nan Rs 5000 an pek hmangin Dekchi lian tak an lei bawk, mi thil phal mi inpete chungah lawmthu an sawi.
@ Section huamchhungah Krismas Carol hman tum a ni a, a hun atan Ni 19.12.2012 zan an ruat chhin a, Carolnaa sum an hmuh hi Section chhung damlo leh mi harsate pual atan a ni.
@ Section budget Rs 5000 chu an tlak fel ta.