@ Zan lamah Pasaltha Neuva Inah duty thin a ni a, harsatna emaw buaina a thlen chuan hruaitute hriattir vat thin turin an in chah.
@ Mithi lumen, Khawhar in leh thlanlaihna a kal te hi YMA member tih tur anih angin a tam thei ang ber tlawmngaih chhuah a kal turin an in chah.
@ Section mike horn chhia, Property Sub-Committee in an siam sak chu an lawm hle.
@ Section chhungah ran chhuak an awm thin a, ran neituten mahni ran khuahkhirh theuh turin an ngen.
CHAWNGBAWLA
@ Section sum tuaknana sangha zawrh an tum chu sangha man (rate) a san em avangin thulh rih a ni a, tlawmngaia lei tumte chungah lawmthu an sawi rualin an zawrh leh theih rih dawn loh avangin ngaihdam an dil bawk. Hun remchang hmasaah zawrh tum a ni.
@ Ni 25.8.2012 (Inrinni) khan section YMA Chhangte tan Lem Ziak intihsiakna an buatsaih a. He intihsiakna atana New Horizon School hmantirtu Principal leh a neitu ni bawk Tv Sawmzuala (Sir Tea) chungah lawmthu an sawi.
@ Lemziak intihsiaknaa lawmmna atana Rs 5000/- lai tum saktu Pu Laldingliana (Sarah Fashion neitu) chungah an lawm hle.
@ Ui vulhtute, an ui vulh khawlai a chhuah lo turin an ngen nawn leh a, ui chhuak vai tur hian remchangah vah chhuah leh an tum.
VANAPA
@ Ni 27.8.2012 (Thawhleh) zan dar 7:00-ah YMA thutthleng siamna tur sum tuaknan Nimbu tui zawrh leh tur a ni a. Hruaitute kim takin Leader inah kalkhawm leh theuh tur a ni.
@ Section Project YMA thutthleng leh Dekchi tum duh tan sum leh pai a thawh theih reng a ni tih section nu leh pate an hriattir.
@ Ni 18.8.2012 (inrinni) khan nilengin YMA thutthleng siamin an hnatlang a, thutthleng 13 lai an siam thei. Hnatlanga rawn thawkchhuakte chungah leh Workshop hmantirtu Pu Laldawnghlua te chhungkaw chungah lawmthu an sawi. Tin, hnatlangte thingpui tui taka lumsaktu Pu Tlangramliana (L), Pu K. Vanlalthanga leh Pu Laltanpuia (TPA) te chhungkaw chungah lawmthu an sawi. Pi RCi'n thingpui hmeh tur paratha thahnem tak a pe bawk a, Pu Saihnuna Sailo chuan Squash um thum (3) a pe a, Pu PC Lalawmawian Squash um 4 leh Biscuit Box 1 a rawn pe bawk a, an chungah lawmthu an sawi.
@ Ni 18.8.2012 (Inrinni) zan khan section chhunga chhungkaw harsa hnenah tanpuina Buhfai (bag 1), Chini (kg 1) leh Thingpuife pek a ni.
@ Kar leh hun remchangah Committee koh tum a ni.
@ Ni 24.8.2012 (Zirtawp) tlai dar 5:35 khan Doordarshan-ah section YMA Zaipawl tihchhuah a ni a, remchan zawkna avangin hla pakhat chauh tihchhuah rih a ni a, Ni 31 8.2012(zirtawp) zan dar 5.35 hian hla dang pahnihte chu tihchhuah leh a ni ang. Section member-te lo en theuh turin an sawm.
@Section Information mike siamthatsaktu Property committee chungah lawmthu an sawi.
@ Damlo- Upa H. Lalrawna, Pi Sanglianthangi, Tv Liandanga te damlo chu an thatchhuah thuai an duhsak.
thuai an duh hle.
KHUANGCHERA
@ Central Road kawng kama ualau taka zu in leh zu rui thukhawm thin hmun thum velah an awm thin a, veng chhung an ti mualphoin veng nu leh pate mit a kham hle a, YMA hruaitute hmalak hmain lo insaseng tur a ni e.
@ Lenkhawm hla zir mek chu Ni. 27.8.2012 (Thawhtan) zanah Pu Ramfangzauva (Marama) te inah zir leh tur a ni a, Nu leh pa leh member zawng zawng te kal vek turin an inngen.
@ Zirtawp zan khan extended meeting an thu khawm a, thu pawimawh tak tak an rel.
@ Central Roada motor dah thinte dah tawh lo turin an inhriattir.
@ An hruaitu Lalremruata(Remtea) chhungkaw thil avanga veng danga awm angai ta chu an ui hle.