Ni 11.8.1977-ah pu Lalsipaia (L) leh Pi Thanghliri te inkarah a lo piang a. Pianpui unau mipa 1 leh hmeichhia 4 a nei. Ni 5.2.1986-ah a pain a boralsan a, a nu Pi Thanghliri hian a \ulpui ta a ni. Arami hi mi nun zawi leh \awng tam lo tak mai a ni a. Rilru lamah mi pangngai a phak chiah loh avangin hmangaih taka enkawl chhoh a ni. A unau te’n kawppui an neihsan hnu phei chuan a nu nen hian an inzui chawt mai a ni. Arami hi a naupanlai a\angin a hrisel \ha viau a, damloh pawh a nei ngai meuh lo. Kar hmasa lam a\ang khan a insawisel ve deuh va. Civil Hospital-ah an inentir a, Doctor damdawi chawhte eiin a \hat leh mai beisei a nih laiin Ni 24.12.2013 (Thawhleh) chawhnu lamah chuan biak hleih theih lovin a awm der mai a, 7th Day Adventist Hospital panpui a ni a, Doctor leh Nurse te’n a nunna chhan tumin theih tawp chhuah mah se, he mi ni vek Dar 2:20 PM khan chatuan ram a lo pan ta a ni.
LALRAMMAWII (ARAMI)
Ni 11.8.1977-ah pu Lalsipaia (L) leh Pi Thanghliri te inkarah a lo piang a. Pianpui unau mipa 1 leh hmeichhia 4 a nei. Ni 5.2.1986-ah a pain a boralsan a, a nu Pi Thanghliri hian a \ulpui ta a ni. Arami hi mi nun zawi leh \awng tam lo tak mai a ni a. Rilru lamah mi pangngai a phak chiah loh avangin hmangaih taka enkawl chhoh a ni. A unau te’n kawppui an neihsan hnu phei chuan a nu nen hian an inzui chawt mai a ni. Arami hi a naupanlai a\angin a hrisel \ha viau a, damloh pawh a nei ngai meuh lo. Kar hmasa lam a\ang khan a insawisel ve deuh va. Civil Hospital-ah an inentir a, Doctor damdawi chawhte eiin a \hat leh mai beisei a nih laiin Ni 24.12.2013 (Thawhleh) chawhnu lamah chuan biak hleih theih lovin a awm der mai a, 7th Day Adventist Hospital panpui a ni a, Doctor leh Nurse te’n a nunna chhan tumin theih tawp chhuah mah se, he mi ni vek Dar 2:20 PM khan chatuan ram a lo pan ta a ni.
0 Comments
LALCHHANHIMI Ni 17.2.2013-ah Pu Vanrammawia leh Pi Lalrinmawii te nupa karah a lo piang a . Ni 24.9.2013 khan awmna leh khawsik avangin Civil Hospital-ah luhpui a ni a, Ni 18.11.2013-ah Nazareth Hospital-ah luhpui leh a ni a. Natna chi hrang hrang a lo kawl tih hmuh chhuah a ni a. Ni 18.11.2013-ah Synod Hospital (Durtlang)-ah luhpui leh a ni. Heta \ang hian \hat chhuah leh nei tawh mang lovin, Ni 15.12.2013 khan chatuan ram a lo pan ta a ni. BENJAMIN MALSAWMDAWNGLIANA Ni 24.8.1992-ah pu Lalruata (L) leh Vanlalhluni te inkarah a lo piang a. Pianpui unau mipa 1 leh hmeichhia 1 a nei. Thla 9 mi lek a nih laiin vanduai thlak takin Khawsikpuiin a na a, TB natnain a tlakbuak leh a, pawn chhuak hlei thei lovin a thih ni thleng hian in chhungah enkawl a ni ta a ni. Kum 2008-a a pain a boralsan a\ang phei chuan awmhmun pawh sawn hlei thei lovin, zun leh ek thiarsak, muttir leh buaipui ngai rengin a awmzui ta a ni. Natna hian a kiansan meuh lo tih theih a ni a, Doctor pawh an rawn kual nasain, enkawlna chi hrang hrang a dawng hnem hle. A hun hnuhnung lamah pawh danglamna em em a nei hran lo. Ni 14.12.2013 zanah chatuan ram a lo pan ta a ni. NGURTLUANGA Lal\hakima leh Manthiangi fa hming koh Ngurtluanga hi Ni 26.8.1958 khan Chawngtlai khuaah a lo piang a, unau pasarih an ni. Ni 19.12.1995 khan Biakthansangi nen an innei a, fapa pahnih an nei. Ngurtluanga hi naupanlai a\anga nu leh pa thu awi thei tak leh mi inngaitlawm tak a ni. Chanmari West Presbyterian Kohhran a indan tirh khan NPSS-ah Beginer Dept Leader hmasa ber a ni nghe nghe a, KTP lamah pawh hun bul a\ang hian Branch Commitee member a ni bawk. YMA lamah pawh Branch Committee member leh Taitesena Section lesder a lo ni reng tawh \hin bawk. CVTTP-ah pawh OB post hrang hrang a lo chelh \hin a, khawtlang tan pawh theih ang kawng kawngah a lo thawk tawh \hin bawk. Kum 2012 September thla khan a pum lam insawisel \anin Ril cancer a ni tih hriat a ni a, nasa takin an inenkawl a, heti chung hian hniam lam a pan hret hret a, Ni 26.11.2013 zing Dar 1:00 khan chatuan ram a pan ta a ni. DOMINIC LALRINAWMA Dominic Lalrinawma hi J. Mankima leh Selkungite fa pathumna niin, Ni 15.10.1972 khan a lo piang a ni. Veng chhung mi tam berin Lal-Domiana tia an hriat a ni a, zirna lamah hian a kal tluang vak lo va, chuvang chuan a tul ang ang hna a thawk kual \hin a ni. Infaimna lamah chuan football a khel a, goal keeper a ni \hin a, a pumruain a tlin bawk a volleyball pawh a khel ve thei hle. Mi ze zawi tak niin \awng duh leh lenrual kawm thiam tak a ni a, ti ti khawchang sawi tur pawh a ngah thei hle. Tun hma lam a\angin thawhah a nei \hin a, Ni 22.11.2013 a\ang khan a thawhah a zual thut a, Aizawl Civil Hospital panpui vat a ni a, \ha leh mai tura an beisei laiin Ni 24.11.2013 zing dar 5:00 khan chatuan ram a pan ta a ni. K MANTHANGA Ni 20.4.1940 khan Khuangleng khuaah, Pu Hrangmura leh Pi Damhleii nupa karah a lo piang a. An unau hi mipa 4 leh hmeichhia 5 an ni. Pu Manthanga hi pa kawm nuam leh zaidam, mi hlim thei tak mai a ni a, chhungkaw tihlimtu leh huikhawmtu ber a ni. Zai ngaina mi leh lungleng thei tak a ni. Pi Kapkimi nen inneiin fapa 2 leh fanu 1 an nei. Wesleyan Methodist Kohhran-ah awmin Kohhran Upa-te pawh a lo ni tawh a, mahse, a hriselna a that vak loh avangin a chhunzawm thei ta lo a ni. Kum 2009 atangin natnain a tlakbuak tan a, Damdawi In hrang hrangahte a lut tawh a, mahse that chhuah tak tak a nei thei ta meuh lo a ni. Ni 21.10.2013 khan Aizawl Hospital-ah a lut a, a natna hi zual zelin Ni 1.11.2013 (Zirtawp) zan dar 6:40 khan chatuan ram a lo pan ta a ni. LALZUALI Pa hming- Sanghleia (L), nu hming -Lalropuii (L), Pian kum-1940, pianpui mipa 1 leh hmeichhia 4 a nei. Pathian tih chhungkua atanga seilian a ni a, a tleirawl atangin Pathian thuah a tui hle. Pathian mi hriat, tawng hriat loh leh taksa chetna nei mi a ni a. A boral ni thleng hian Bible chhiar leh tawngtai ngaina tak a ni. Kum 1966-ah Pu Sapliana nen inneiin fanu 2 an nei. Kum 1986-ah a kal zai a ni a, hemi kum atang hian hna pawh thawk hlei thei lovin, taksa chak lohna leh bawrhsawmnain a tlak buak deuh reng. Kum 2012 laihawl vel atang khan a bawrhsawm zual hle. Ni 15.10.2013 zan khan a thawkna lamah harsatna a neih avangin Damdawiin ah dah luh a ni a, Ni 20.10.2013 (Pathianni) tlai dar 5:00 khan chatuan ram a lo pan ta a ni. LALREMRUATI (MAMI) Lalremruati hi Pu K Lalnuntluanga leh Pi Lalthanzami te fa 5 zinga a naupang ber dawttu niin Nov. ni 3, 1980-ah a lo piang a, mi hlim thei tak leh rual pawl thiam tak a ni. Mi hriatthiamna ngah leh mi khawngaih thei tak a ni. Chhungkaw huikhawmtu \ha tak a ni. Kum 2007-ah Ricky Lalmuanpuia nen inneiin, fapa 3 leh fanu 3 an nei. Pathianah lawmna nasa tak neiin, \awngtai a ngaina hle. Kum 2008-ah Chuap TB a vei tih hmuhchhuah a ni a, damdawi \ha taka eiin, a chhungte pawn a \hat chhuah leh mai an beisei laiin a natna chuan zual lam a pan zel a, October thla khan Durtlang Hospital-ah admit leh a ni a, Ni 15, Oct, 2013 (Thawhleh) zan dar 10:15 khan chatuan ram a lo pan ta a ni. Lalnunmawia Lalhmangaiha leh Rokhamite fa panga zing upa ber dawttu Lalnunmawia hi kum 1959 Aizawl Dawrpuiah a lo piang a. Kum 1988 khan Lalrinsangi nen inneiin fa 3, mipa pakhat leh hmeichhia pahnih an nei a ni. Kumin March thla khan Mission Veng atangin Chanmari West-ah chhungkuain an pem lut. Zirna lamah Pre-University Course zovin sorkar hnathawk lovin sumdawnna chi hrang hrang khawihin chhungkua a chawm a, pa tawng tam lo leh mi inngaitlawm, taima leh mite ngainat hlawh tak a ni. May thla khan pancreas cancer a ni tih hriat a ni a, Nazareth Hospital-ah inenkawlin chemotherapy vawi 11 lai a la a, theihtawpa enkawl ni mah se hniam lam pan hret hretin Ni 10.10.2013, tlai dar 2:30 khan chatuan ram a pan ta a ni. Kapmawia Kapmawia hi Rualhnuna leh Saibuangi fa 11 te zinga upa ber a ni a, Ni 30, June 1932 khan Rullamah a piang. Kum 1954 khan Chhandami Sialhawk nen an inneiin fa 7, tu 22 leh tuchhuan 9 a nei. 1952 khan Zirtirtu hna a thawk tan a, 1967 rambuai lai khan Rullam atangin Aizawlah a pem a, 1978-ah head teacher-ah hlan kai a ni. Kum 1981 khan census a thawh that avangin President hnen atangin silver medal a dawng a, selection grade-ah hlankai a ni. Kum 1999-ah LM Primary school atangin a pension a ni. Kohhran leh Khawtlangah rawngbawlna hrang hrang a chelh thin. Mi hrisel leh taima, mahni hnaa tlai ngai lo mi a ni bawk. Kum 2012 bulah a insawisel tan a, zawi zawia hniam hret hretin Ni 5.10.2013 khan chatuan ram a pan ta a ni. |
CategoriesEditorial Board and Branch O.BEDITORIAL BOARD Archives
December 2013
|