Thih Ni : Ni 29.01.2013.
Vui Hun : Ni 30.01.2013. 12:00 noon
A hmun : Chanmari West, Aizawl
Section : Khuangchera Section
Vuitu : Upa Zomuana
Chhungkawaiawh thusawi : Upa Lalsangzuala Hauhnar, (A u)
A CHANCHIN TLANGPUI
Lalsangkima hi Pu Vanlalchhuanga (L) leh Pi Lianmawii te inkarah Dt 14.9. 1973-ah alo piang a, pianpui unau mipa 3 leh hmeichhia 4 a nei a ni.
A pianpui unau te:
1. Lalsangliana H/o H. La1nunpuii, Chanmari West
2. Upa Lalsangzuala Hauhnar H/o P.C Chuaudingliani, Chanmari West
3. Lalsangpuii W/o Upa H. Lalremliana, Kolasib
4 . Lalsangkima H/o Lalngaihzuali, Chanmari West.
5. Laldinpuii W/o H.V Lalthavela, Chanmari West.
6. Lalbiakdiki
7. Lalengmawii W/o Lalhruaitluanga, Ramhlun North
8. Zarzoliana
Kum 1995 June 16-ah Lalngaihzuali (Mangaihi) nen inneiin fa 3 an nei a.
1. Zodinsanga Kum 15
2. Lalrinawma Kum 11
3. Lalhmingchhuangi Kum 9
Kima hi mi tawngtlem leh zaidam tak mai a ni a, Pathian zarah mi hrisel tak pawh a ni. Zirna lamah pawh tluang takin a kal chho a HSLC hi Gov’t. Mizo High School-ah a zo a, PUC chu Aizawl North College-ah zovin, Hrangbana College-ah B.A a zo leh a ni. Infiamna lamah pawh a rual pawl tawk chuan a tui ve hle a, Volleyball-ah a tui fal hle a. Mizoram aiawhin ram pawnah vawi thum leh NEHU University aiawhin vawi hnih a khel tawh bawk a. Mizoram Best Setter atan tum hnih thlan a ni tawh bawk.
Vengchhung leh pawnah pawl hrang hrang ah te a phak ang tawkin a inhmang ve thin a. Political party-ah te inhmangin a that lai hian MNF Unit-II ah OB post hrang hrang lo chelh tawhin, Thalaiah Block President leh Vice President nihnate a lo chelh tawh a. Headquarters thalai-ah Secretary a chelh mek a ni.
A nun hi ruihhlo (zu) hian nasa takin a tibuai ve a, talchhuah tumin nasa takin a bei ve thin a ni. Gospel camping-ah te lutin Pathianah hlimna leh lawmnate pawh chang vein Pathian leh a kohhran, Biakin lamte pawh a'n kal ve a. Amaherawhchu a hneh loh sual hian a nun a tibuai leh thin a ni. Pathianah lawmnate neiin, "Thi tur vek kan ni a, ka thih huna chuan ka hIa duh ber; 'Tunah a thar hmangaihna eng nuamah' tih hi in rawn sa dawn nia" ati nghe nghe a ni.
A nat dan tlangpui
Insawiselna neuh neuh a neih avangin September 2012 thIa tirah Doctor rawn a ni a, Thisen Unit 3 pein Ultrasound leh Biopsy-te la in enkawl a ni a. Hma a sawn theih chuan loh avangin ni. 10.9.2012 khan Civil Hospital-ah entir lehin lo admit nghal a ni a. A thin leh a la pawh a tha tawh lo tih hmuh chhuah a ni a, hetih lai hian a mawng lamah tui a puh reng tawh bawk avangin chauh deuh tumte a nei thin a, thisen pawh unit engmaw zat pek a ni. Kan beisei phak lovin a tui put te rehin lawm takin dt. 3.12.2012 khan Damdawiin atangin chhuahtir a ni a. Hlim taka hun kan hman ho laiin a natna ngai bawk a lo lanchhuah leh avangin ni. 24.12.2012 khan Civil Hospital-ah bawk lutleh a ni a. Doctor leh Nurse-ten theihtawp chhuaha enkawla tan an lak pawhin that lam a pan thei tak tak lova. Ni 28.01.2013 zan atang phei chuan Oxygen pek hial alo ngai ta a, hmasawn thei lovin Ni 29.01.2013 zing lam dar 10:00 ah min lo kalsan ta a ni.