Ni 17.5.2012 khan Central YMA leh I&PR Depatrment-te chuan branch YMA chanchinbu enkawltute tan ‘Media Workshop’ a buatsaih a, I&PR Secretary Pu K. Lalnghinglova IAS chuan hawngin Pu C. Chhuanvawra leh I&PR Dy. Director Pu Lalsiama Fambawlten paper an present a, palai 140 chuangin he zirhona hi an hmang a ni. Chanmari West branch YMA atangin News Editor Tv. Jacob Lalrinsanga leh Circulation Manager EVL. Hruaitluanga te an tel a ni.
Thlanmual Sub-Committee
@ Hlo kahna hmang a thlanmual hnim awmte kah hlum tum a ni a. Pangpar leh thlai tangkai te tih chhiat an hlauh avangin mahni chhungte thlan tifai turin an in ngen a ni.
@ An Vice Chairman Pu PC Lalawmawia ke na chu dam thuai turin an duhsak a, an Asst. Secretary Tv Lalhriatzela pawh a dam that vat an duh sak bawk a ni..
Zofa News
@North East Folk Dance Festival, Basar, Arunachal Pradesh -a kal Club member mi 15 te chu Ni 17.5.2012 (Ningani) tlai dar 5:00 khan dam takin Aizawl an rawn thleng leh ta.
@Doordarshan Kendra (Guwahati)-ah Mizo Hnam Lam chi 3-Cheraw, Sarlamkai leh Chawnglaizawn-te record a ni a, ruahmanna siamsaktu Director (DDK) leh a tul anga hmalatu Pu VL Thakima (Troupe Leader) te chungah club chuan lawmthu a sawi.
@Ni 22.5.2012 (Thawhleh) zan atang hian YMA Zawlbuk-ah veng chhung mi (thalai pual) a duh apiang tan Hnam Lam zirna hun siam tum a ni a, helama tui mite chu lo ngaihven turin an inhriattir.
@AIR-a Folk Song an record-na hlawh Rs 8015/- lak tawh a ni.
CYMA football inkhel tur hi
Arsenal tantu ka ni a, kum tam tak cup chawi lova an awm hi a hrehawm ka ti, chutih laiin Liverpool fans rinawm zia an sawi thin a, an fakawm hle. Central YMA in football leh basketball-ah tournament a siam a, veng tam tak an chhuak a, kan veng pawh kan chhuak a, Basketball-ah phei chuan kan vawikhat khelhnaah kan tla nghal a, a pawi khawp mai.
Naktip mai khian football kan khel ve dawn a, dinhmun tha kan chan ngei a duhawm hle. Champion ngai loh lutuk hi chuan chak ber No mawi hi kan chawi ve turah kan ngai lo lutuk thei a, tunah hian hei hi kan siamthat theihna hun remchang tha a ni ngei ang. Kan football player-te hian Liverpool fans anga rinawmin in hnung kan zui che u a, Arsenal tantute ang hian trophy kan thlir rei tawh hle a ni tih in lo hre dawn nia.
Tun tumah phei hi chuan kum dang ang lo takin Chanmari West branch YMA member zawng zawngten in tan pawisa kan thawh a, chhe taka inchet a thiang lo. Hnam lamah lawmman pathumna aia hniam nih hi kan rilru-ah a awm tawh ngai lo ang hian, inkhelah pawh hian chutiang chu anih theih nan tan i la tlang ang u.
Tunkar thawhlehah football khel dawn
Ni 22.5.2012 (Thawhlehni) Dar 9.000 ah hian Chanmari West branch YMA Football team leh Tuikual ‘N’ te Lammualah an inkhel dawn a, heta an chak chuan Ni 23.5.2012 hian an khel zui leh ang. Veng mipui a tam thei ang ber he inkhel en tur hian branch committee chuan memberte a ngen a ni. Chanmari West branch YMA football team-te :- Manager : Pu C. Zonunsanga, Coach : Pu B. Lalneihsanga Armed Veng, Asst Coach : Pu Lalliansanga. Player - te: 1.Zonunthara, 2. Lalrempuia, 3. Lalrinchhana, 4. Robert Zoramthara, 5. Peter Lalchhuankima, 6. C. Lalbiaktluanga, 7. Lalrinzuala. 8. Lalrinsanga, 9. David Vanlalpeka, 10. K. Lalrinsanga, 11. Zosangliana, 12. R. Lalrinngheta, 13. Eric Zomuanpuia, 14. H. Lalnunzira, 15. Racy K. Lalremmawia, 16. C. Laltanpuia, 17. Lalremruata, 18. Vanlalnunpuia, 19. R. Zoramthara, 20. Zion Lalramluaha.