Ni 17.1.2013 zanah khan Chanmari West Branch YMA Executive meeting vawi hnihna chu Pu C. Lalzarliana inah an \hu khawm a, he meeting hian Branch YMA Zaipawl din turin a rel.
He meeting Pu C Lalzarliana kaihhruai hian Branch Annual fee leh Central YMA budget chu tlak mai ni se tih a ni. YMA Chanchinbu Agent atan Pu Lalrinsanga Branch Executive member chu ruat a ni bawk. YMA Chanchinbu hi YMA hruaitu zawng zawng chuan tlawmngaia la ngei tura beisei an ni bawk.
Section hrang hrang a\anga section Committee member tur an ruat chu pawmpui a ni a, Sub-Committee member tur ruat pawh siam rem ngai siam remin pawm a ni bawk. Kum 2013 chhunga YMA member lak turah \hahnemngai tak lak nise, membership fee Rs 2 leh kumpuan thawhlawmah Rs 3 khawn tura tih a ni. Zing dar 9:00 hnu lama thi chu lu men tawh tura rel a ni a, lumen zanah hian musical instrument remchang ang ang hman tawh tura ruahman a ni a, keyboard lei tur lo ngaihtuah turin Pu K. Lal\hakima leh Pu Dr Lalramliana Executive member-te ruat an ni. YMA member boral an awma YMA Flag zar \hin chu Flag ngul in ang tlang section indaiha siam tur a tih a ni. Tin, khawhar in zan thumnaah anmahni puala sunna hun (silent minute ) hman \hin tura ruahman a ni. Khawhar in lenpuia banna siam \hin hi Branch Executive member te kutah dah a ni.
Kumin chhunga Branch hmalakna a chak zawk theihnan Action Plan siam nise tih a ni a, ruahmanna lo siam turin Branch OB-te ruat an ni.
Section kaihhruainain YMA Chhang din tura tih a ni a, a kaihhruaina in ang tlang hmang tura tih a ni