Chanmari West Branch YMA Executive Committee chu Ni 28.8.2012 zan khan Pu J. Lalnangliana inah an meeting a, Central YMA-in Ni 25.9.2012 atanga Inter Branch YMA Volleyball Tournament a buatsaih turah chhuah ve an rel.
He meeting hi Pu T. Ngurkhuma, Branch YMA President kaihruai chuan Volleyball Tournament-ah hian mipa team chauh chhuah nise a ti a, a lo huaihawt tur hian Convener-ah Pu C. Lalmuankima a ruat a, Manager atn Pu Lalrinliana chu a ruat bawk a ni.Ni 6.10.2012 hian Marathon race neih tur a ni bawk a, tah hian tel thei tur chu Branch Secretary hnenah in report tur a ni. Veng pum huap colour inang neih tha a ti a, rawng var chu veng chhung colour atan thlan a ni.
Chanmari West Local Councilin veng chhunga ran khuahkhirh a puan chu Chanmari West Branch YMA pawhin ran khuahkhirh hi a theih ang anga thlawp zel nise a ti.
Branch YMA-in Gas Connection a neih chu Biakkungi Gas Agency-ah transfer tura tih a ni.
67th YMA General Conference Kawrtethawvenga neih turah Agenda atan hengte hi rawtna thlen nise tih a ni.
i) CCE zirna kalpui dan hi mipuiin an hriat fiah theihna turin Awareness pe turin Central YMA in Sorkar-ah nawr rawh se.
ii) Aizawl chhunga thing leh mau awmsa hi Sorkar-in humhalh rawh se.
Kumpuan atan Ram leh hnam humhalh rawt nise tih a ni.
YMA General Conference-a kan Branch atanga Special Item nei thei emaw nei duh tan YMA Aw ah hriattirna chhuah nise tih a ni.