Ni 10.9.2013 (Thawhlehni) chawhnu khan Pu VL. Thakima inah Branch Executive meeting a ni a, he meeting hi Pu C. Lalzarliana Branch President chuan a kaihruai a ni.
YMA Park kaltlanga Jeepable kawng sial tlangna tur AMC atangin hmuh a ni a, he kawng hi Pu Tenga (L) in bul atanga tanin YMA Zawlbuk thleng tur a ni a, remchang a la awm chuan YMA Zawlbuk atanga hian Central Road thleng sial leh tum a ni. He kawng sial a nih theihna atana hma latu AMC Councillor Pi Zamanthangi chungah Branch YMA chu a lawm hle a ni. Hemi atana hma la tur hian working committee din a ni a, Chairman Pu C. Lalzarliana, Vice Chairman Pu Lalrinliana, Secretary Pu K. Darthangtluanga, work manager Pu TC. Lalhmangaiha te niin, member dangte chu Branch OB la bang leh Section tin leaderte an ni.
Central YMA in Ramhlun vengthar leh Ramhlun Sport Complex-a leimin tuarte tan tanpuina pe tura min ngen angin Rs 3000.00 pek a ni.
Thlanmuala tui connection chu lak fel a ni a, sintex lian pawh dah thuai tum a ni bawk, thlan siamte tan tangkai hle tura ngaih a ni. Tui connection neih theih nana hma latu Pi Zamanthangi chungah Branch YMA a lawm hle.
Kumin Krismasah hian veng chhung chei nise tih a ni a, section hrang hrangten mahni section theuh chei tura beisei an ni a, hemi a tana hman tur hi a tul anga veng nu leh pate hnena pawisa pawh khawn tum a ni.
Pu C. Lalzarliana Branch YMA president chuan Portable mike tha tak mai Branch YMA ah a pe a, a chungah an lawm hle. Kan veng chhunga chhiat tawk chhungten ruang tuamna Branch YMA a an rawn pek thin chu a tam tham deuh avangin Section tinah panga zela sem darh tur tih a ni a, Branch Secretary-in sawm kawl bawk se, tin Synod Hospital leh Aizawl Civil Hospital-ah sawmhnih ve ve a tul anga an hman pek bawk nise tih a ni.
Lumen zan leh YMA programmea hman tur Combo thar tha tak lei rum a ni a, hma la turin Pu K. Lalthakima ruat a ni.
Ni 13.9.2013 khan kan Editor R. Lalrinngheta leh K. Vanlalchhuangi te chu Chanmari West Presbyterian Biak Inah Kohhran Dan thianghlimin an innei a, Editorial Board ten kan lawmpui hle.
(Pic. : Editorial Board leh tuak tharte)