Ni 1.3.2013 (Zirtawp) zan khan chairman Pu T Ngurkhuma, Vice President kaihhruaiin Branch Executive meeting neih a ni a, he meeting-ah hian kan hma lawka Kumpuan hawn leh Fresher Social Programme kan hman tur chungchang te, Branch YMA Silver Jubilee kan thlen tur chungchang te sawi a ni a. Tin, Chanmari West veng chhunga YMA member dinhmun Secretary report ngaihthlak a ni bawk.
Kum 2013 chhung atana YMA member lak chu zawhfel a ni tawh a, tun thlenga section hrang hranga YMA member awm zat chu hetiang hi a ni:
Section M H LM Total
CH 327 220 28 547
K 416 257 21 673
N 290 192 19 482
T 435 183 46 618
V 378 200 33 578
TOTAL 1846 1052 147 2898
(M=Mipa, H=Hmeichhia, LM=Life member)
Tun dinhmunah kan Branch huam chhungah YMA member 2898 kan awm mek a, kum kalta aiin 264 in member kan pung. Hetih rual hian YMA member lakdan chungchangah rualkhai zawka kan kal theih dan turte sawi a ni bawk.
Finance Secretary hnen atangin Chhiatni Fund chungchangah report felfai tak mai ngaihthlak a ni a. Section hrang hrangte’n kumin chhung atana Chhiatni Fund hmuh an inbeisei dan chu hetiang hi a ni:
Section Chhungkua Target
CH 245 $ 58320
K 264 $ 58500
N 201 $ 42100
T 321 $ 70700
V 253 $ 58200
TOTAL 1284 $ 287820
Kum 2012 aiin kumin hian kan veng chhungah chhungkaw 46-in kan pung. Heng chhungkaw 1284-ah hian hnam dang (Mizo hnahthlak ni lo) chhungkaw 10-te chhiar tel a ni. Hnam dang, chhungkua ni lova khawsate hnen atang chuan Chhiatni Fund hi mi pakhatah $ 100 zela khawn tura ruahman a ni.
Tunah hian Branch YMA chuan Chhiatni bika hman tur sum kawllai a nei tawh lo mai ni lovin
$ 70,000 chuang chu mi thahnem- ngaite ta a lo puk tawh a, chuvangin section hruaitute’n he kan harsatna hi hriain a rang lama Chhiatni Fund hi khawn fel thuai tum \heuh nise meeting chuan a ti. Tin, chhungtinte Chhiatni Fund hi ngaipawimawh tura ngen kan ni.
Zu leh ruihhlo dang avanga veng chhunga buaina tenau chhuak leh \hin chu Branch chuan a ngaimawh hle a, hetiang tihchingte chungah hian Branch YMA chuan khauh taka hma lak zel a tum.
Ni 12.3.2013 (Thawhleh) zan hian YMA Kumpuan “Ram leh Hnam Humhalh” hawnna hun leh Fresher Social Programme hlimawm taka hmang turin ruahmanna siam a ni a, he hun hi ngaipawimawh \heuh turin committee chuan member-te a ngen bawk.