Ni 23 - 25 October, 2012 chhunga YMA General Conference, Kawrtethawveng khua a hman turah kan Branch YMA chuan member kal duh tan an kal man chawi ngai lo turin ruahmanna a siam. Ni 2.10.2012 zana Pu Thanruma inah Branch YMA Executive meeting chuan YMA General Conference chungchang a ngaihtuah a, kum dangah hian kan Branch YMA memberte Conference-a kan kal that loh thin avangin kumin chuan tihdan danglamin Conferece kal tum kan member tan chuan kal man chawi ngai lo turin a ruahman a ni. Kal duh turte chuan Ni 14.10.3.2012 ral hma ngeiin Branch YMA Secretary Pu RL. Thanhnuna hnenah in hriattir tur a ni a, kal tur inpe te hi Branch YMA chuan a la ennawn leh ang. He huna kal tum chu Ruihhlo leh Nulat tlangval kawnga fihlim mi an ni tur a ni.
Nikum lam khan Hunthar veng nena kan inrinna (Chhawnzinga Tuikhuah) bulah Branch YMA leh Chanmari West Local Council ten ramri chhinchhiahna an lo tar tawh chu mi tu tih hriat lohin an lo tihchhiat avangin helai hmunah hian tha zawka ramri chin hriatna tur tar leh tur hian Chanmari West Local Council hnenah thlen tum a ni.
Pi Thankhumi, Pu C. Lalramdina (L) nupui chuan a pasal hriatrengna atan Chanmari West Branch-ah jersey leina tur Rs 5000 an rawn pe a, Chanmari Branch YMA pawhin leimin leh lunglum vanga kan Branch YMA tanpui nan Rs 20500 an rawn pe bawk a, hetiang thilpek rawn petute chungah hian Branch YMA chu a lawm hle a ni.
YMA CONFERENCE CHUNGCHANG
Ni 23-25 October, 2012 chhung khian YMA General Conference chu Kawrtethawveng khua-ah hman tur a ni a. Conference a kal tumte (Hruaitu leh member) chuan Ni 14.10.2012 ral hma hian Pu R.L.Thanhnuna, Branch Secretary hnenah in report vek tur a ni. Ruihhlo a fihlim tan lo chuan kal phal a ni lo.
CHANMARI BRANCH ATANGIN TANPUINA DAWNG
Lung lumin kan veng chhunga In a tihchhiatte, Leivung tawlh in harsatna min thlen avang leh chhiatna hrang hrang kan tawrh avangin, Chanmari Branch YMA chuan kan Branch YMA ten a tul anga kan lo hman turin Rs 20,500/- lai mai tanpuina atan min rawn pe a, an chungah lawmthu kan sawi a ni.