Chanmari West Branch YMA Executive meeting-in a lo rel tawh angin kum 2013 YMA Day chu Ni 14.6.2013 (Zirtawp) zan dar 8:30-ah hman a ni.
YMA din champha vawi 78-na lawmna hun hi Pu RL Thanhnuna, Branch Asst. Secretary chuan kaihruaiin, Branch YMA Zaipawlin “Lei mite hunbi an chhiar e” tiin he hun hi an hawng a, Nl K Vanlalchhuangi, Branch Executive member chuan Pathian thu chhiar a \awng\aiin he hun hi Pathian hnenah a hlan.
Section hrang hrangte’n Lengkhawm Zai intihsiakna hlimawm tak an nei a. Tv Nghaktea a lo langzui ve leh, a ze ngaite bawkin kalkhawm mipuite a tihlimin beng a titlai khawp mai.
Pu C Lalzarliana, Branch YMA President chuan Ram leh Hnam Humhalh Thupui hmangin tawi fel leh funkim tak siin kalkhawmte fuihna hun a hmang a, Chanmari West khawtlangin kawng hrang hranga hmasawnna tur a neih te sawi chhuakin; \halaite rilru a kaiharh ngei ang.
Kum 2013- HSLC result chhuak a Distinction-a pass-mi paruk hnenah chawimawina thuziak hlan a ni.
Nl Melody (Thuampui) chuan zei tak maiin mipui a awi ve leh a, zai thiam inthup,Tv Hruaia (K-sect) chuan “Lo kir leh mai rawh” tiin \halai, ruihhlo bawiha tang mai turte min koh letsak bawk a, a ngaihnawmin ava hlu tak em! Tv Peka (Sihphir) chuan nui lo thei lovin kalkhawm mipuite a siam ve leh, hlim zan tih loh phal rual a ni lo.
Branch YMA Zaipawl leh Tv Nghaktea te, Nl Melody te’n mipui an awi leh bawk. Lawmman sem niin Chairman-in lawmthu sawiin hun hnung a hmang a, kham lo takin zan dar 11:00-ah YMA Day vawi 78-na lawmna inkhawm chu \in a ni.
Thisen Unit 192 pek a ni
June ni 8 (Inrinni) khan Chanmari West Branch YMA-in Action Plan-a a lo dah tawh angin YMA Day denchhenin Aizawl Civil Hospital tan thisen Unit 192 (mipa 159 leh hmeichhia 33) an pe. Chanmari West Middle School-ah Aizawl Civil Hospital-a thawktute lo kalin thisen hi an rawn la a. Thisen petu mi 192 leh pek tuma lo kal, fit tawk loh vanga pe thei ve ta lote chungah Branch YMA chuan lawmthu a sawi.
Thisen pe tura kalkhawmte Bawng Soup buatsaihsaktu leh Paratha tui tak leh thingpui siam saktu Chanmari West Branch MHIP-te chungah Branch YMA-in lawmthu a sawi.
Thisen pete tana ei leh in tur heng mite hnen a\ang hian dawn a ni. Branch YMA chuan thilpek petute chungah lawmthu an sawi.
Pu Lalthanzara, Bialtu MLA - Rasagula leh Frooty
Pi Zamanthangi, Counsellor, Ward No. VI - Rasagula
Pi Lalronghaki, (K) - Ballpen (Thisen petu zawng zawng)
Pi Lalkhawthangi (Ch) - Chini 5 Kg
Pi Seni (Phunchawng) - Bawngsa 2 Kg
Pu M Sawmliana (T) - Rs 2000/-