Mizoram Board of School Education (MBSE) chuan Ni 19.4.2013 (Zirtawp) khan HSLC 2013 result a tichhuak a, Mizoram pumah zirlai exam bei mi 16,144 zinga mi 9,466-in an pass, chu chu 58.63% a ni. A pumpuiah Lalfakzuala s/o Malsawmthanga, St Paul’s HSS chuan mark 457 hmuin, subject zawng zawngah letter mark hmu vekin pakhatna a ni.
2013-a HSLC beitu mipa 7960-ah 4789-in an pass a, hmeichhia 8,184-ah 4,677-in an pass bawk. Pass-te zinga 9,463 chu regular student an ni a, 905-te chu private candidate an ni. Zirlai fail mipa 3,017 leh hmeichhia 3,333 an awm. Compartmental chance nei mipa 154 leh hmeichhia 174 an awm bawk. Sikul 81-a zirlaite an pass vek laiin Sikul 18 a\ang chuan pass an awm miah lo thung.
Chanmari West veng chhungah HSLC candidate nei sikul pathum awmin, heng sikul pathum a\ang hian zirlai 68-in an exam a, heng zinga hmeichhia 26 leh mipa 33, an vaiin mi 59-in an pass a, mipa 2 leh hmeichhia 7, an vaiin zirlai 9-in an fail thung. Veng chhunga sikul pathum a\anga exam zingah Judith Hmingthansangi, Springdale School chuan Distinction-ah pass-in Mizo leh Science subject-ah te Letter mark a hmu a, Mark 395 hmuin a ti \ha ber. Veng chhunga sikul pathumte dinhmun chu hetiang hi a ni.
Springdale School
Candidate - 12, Pass - 12, Pass %-100%, Distinction-1, I Div-1, II Div-4, III Div-6
Chanmari West high School
Candidate - 15, Pass - 7, Pass %-46.6%, Dist-Nil, I Div-1, IIDiv-1, IIIDiv-5
New Horizon School of Education
Candidate - 41, Pass - 40, Pass %-97.5%, Dist.-Nil I Div-4, IIDiv-17, IIIDiv-19
YMA DAY PUALIN THISEN PE DAWN
Chanmari West Branch YMA -in Action Plan-a a lo dah tawh angin June ni 15 YMA Day lo thleng tur denchhenin June ni 8 hian Aizawl Civil Hospital tan Thisen pek runpui neih a ni dawn a, Chanmari West Branch YMA member-te tun a\anga lo inring lawk tura hriattir kan ni e.