Central YMA chuan a vawi 7 nan Ram leh Hnam Humhalh Kumpuan a hmang mek a, hemi kawnga hmalakna hrang hrang zingah Mizorama hnam dang awmte uluk leh fir taka endik a ni dawn tih a puang. Central YMA chuan Branch hrang hrangte a ruala mahni huam chhung theuh va Inner Line Permit (ILP) endik runpui neih a rel.
Central YMA-a Committee sang ber, Central Coordination Committee (CCC), Ni 10.4.2013 (Nilai) a Central YMA Hall-a \hukhawm chuan Mizorama ILP lem hmanga hnam dang lo lut ru an tamzia an sawi ho a, Branch tinin a rualin mahni huam chhung \heuha ILP endik runpui neih ni se, a hun tur erawh chu la inhriattir ni se tiin thutlukna an siam.
He committee-ah hian CWBYMA aiawhin Pu T Ngurkhuma, Central Executive Committee (CEC) leh Tv Zairemmawia, Branch Secretary-te an tel.
CCC thukhawm chuan Aizawl Municipal Council-in Licencing Regulation-a hman turah sumdawngte chu Tribal Certificate nei ngei tura phut ngei nise an ti a, Aizawl khawpuiah hnam dangte, dan lova an sumdawn theih loh nan AMC hian Tribal Certificate neite chauh sumdawn phalna hi pe se an ti bawk.
CCC \hukhawm hi Central YMA President, Pu T. Sangkunga’n a kaihruai a, kumin YMA General Conference chu October ni 15 a\anga 17 inkarah neih ni se an ti a, a hmun tur chu nikkum General Conference-in a rel tawh angin Khawbung a ni dawn a ni.
CCC hian nikum General Conference-a thu pass bawhzui dan an thlir ho bawk. Ni 9.4.2013-a Zawlpuia In kang chhungkaw 10 hnenah $ 2,000 \heuh pek ni se an ti a, heng \anpuina sumte hi Lunglei Sub-Hqrs YMA hruaitute kutah an pe nghal a, anni’n Zawlpuia kangmei tuar chhungte hnenah an hlan dawn a ni.
Central Anti-Drugs Squad (CADS)-in nasa takin hma an la
Central Anti Drugs Squad ruihhlo man, cheng vbc 1 chuang man chu Ni 10.4.2013 khan CM, Pu Lal Thanhawla’n Central YMA Office kawtah a hal ral.
Ruihhlo hal hma hian inkhawm tawite neih a ni a, hetah hian CM chuan, ram leh hnam humhalh chu YMA chauh ni lo, sorkar tih tur pawh a ni a ti.
CM chuan Mizoram chhunga awm, ram dang mite chu nek chep an ngai tih sawiin, nek chep tur erawh chuan taihmak a \ul thu leh, \halaite pawh an \han harh a \ul thu a sawi.
Ruihhlo hal inkhawmah hian CM hian CADS tanpui nan $ 50,000 a pe a, Excise & Narcotics Minister, Pu JH Ro\huama pawhin $ 1,00,000-pein ruihhlo do kawnga CADS hnathawh chu ropui a tih thu a sawi.
CADS man, ruihhlo hal ral tak hi \um 7 an halna a ni a, hengte hi nikum April ni 13 a\anga kumin April ni 9 thlenga an man, heroin hawng 20 leh a chanve, cane 586 leh piece 232, parvon spas leh proxyvon mum 1,39,476, nitrosun leh alprozelum mum 3,275, opium kg 2 leh pseudoephedrine kg 125 a ni a, a vai hian Rs. 1,58,62,358 hu a ni.