Ni 21.9.2013 (Inrinni) tlai dar 4:45 vela Tlawng Lui (Reiek kai) a tla hlum Tv Johny C Lalremruata s/o C Lalremsiama, (Tuikual North) ruang zawn hna chu thawh chunzawm zel a ni a, Chanmari West Branch YMA pawhin ni 27.9.2013 (Zirtawp) khan Central YMA ruahmanna siam angin tui tla zawn hna hi nilengin an thawk.
Ni 26.9.2013 (Ninga) zana Branch Executive Emergency Meeting chuan tui tla zawn hna thawh dan tur hi a ngaihtuah a, Central YMA-in min beisei anga he hna hi tihhlawhtlin ngei nise a ti a, section hrang hrangah hriattirna pein, a kal thei turte chu Ni 27.9.2013 (Zirtawp) zing dar 9:00-ah Pu Lalchhanhima, (Leader, Khuangchera Section) kawta innghahkawm tur tiin, Section hrang hrang a\anga kal hman turte inzawn a ni.
Ni 27.9.2013 hian Central YMA a\anga ruahmannaah chuan Branch YMA 5 - Chanmari West, Chanmari, Vaivakawn, Edenthar leh Huntharte thawk ho tura tih a ni. Kan Branch a\angin mi 50 vel thawk chhuak thei tura beisei kan nih laiin mi tlawmngai 32 te, motor 4 leh 2-wheeler engemawzat nen an thawk chhuak a, tlawmngaia thawk chhuak te leh lirthei thawhchhuahpuitu te chungah Branch YMA chuan lawmthu a sawi tak meuh a ni. Section hrang hrangte thawhchhuah dan chu heti ang hi a ni.
Chawngbawla - 10
Vanapa - 9
Taitesena - 6
Neuva - 4
Khuangchera - 3
Johny C Lalremruata ruang zawn hna hi ngawrh takin mi tlawmngaite leh pawl hrang hrangin an thawk mek reng a, Sihhmui leh Sairang lamah pawh ngaihven reng a ni a, lawngleng hmangin luikam vel thlithlai a ni a, tui lut thiamin a remchanglai apiang an dap bawk a, a nawlpui chuan tih theih a tlem hle.
Ruang zawngtute hman atan hian \anpuina a lut reng a, pawl hrang hrang a\angin sum leh pai \hahnem tak hmuh a ni tawh a, kan Branch YMA Treasurer, Pu R Lalhmachhuana chuan ruang zawn ni hian \anpuina Rs 2000 a hlan.
CONFERENCE - 2013 KALDUH TAN
Kum 2013 YMA General Conference October ni 15 - 17 chhunga Khawbunga neih tura Chanmari West Branch YMA member kal duh turte chuan September thla ral hmain Branch Secretary Tv Zairemmawia emaw mahni awmna Section Secretary hnenah hming pek luh tur a ni e.
CHANMARI WEST FC SUPPORTER
Chanmari West FC Supporters ni duh chuan a hnuai amite hnenah hian member-ah a inpek theih e.
1) Elar Enterprise (Kawipui)
2) Pu R Lalsangzuala (T-sect)
3) Pu Lalliansanga (Malala, K-sect)
Membership fee hi $ 50 chauh a ni a, Supporter T-shirt pawh $ 400 in a lei theih tawh bawk e.