Silver Jubilee Fund Rising Committee-in rawtna a siam angin Chanmari West Branch YMA Executive Committee chuan a pawmpui a, hemi pual hian kumin leh nakkum chhungin cheng maktaduai 1.3 hmuh tura ruahman a ni.
Section tinin 2013 leh 2014 chhungin $ 10,000 ve ve an chhun luh a ngai dawn a, hemi a\ang hian $ 1,00,000 lut tura ruahman niin, YMA member-ten kum hnih chhungin kum khatah $ 20 zel thawhin $ 1,00,000 tling khawm thei tura ngaih a ni bawk.
Chhungkaw 1000 hnen a\angin kum hnih chhungin $ 4,00,000 lut tura ruahman a ni bawk a, chhungkaw tinin 2013 ang bawkin 2014-ah pawh $ 200 zel an thawh a ngai dawn. Jubilee pual hian inhlawhna a\angin $ 6,00,000 hmu tura beisei a ni a, kumin leh kum tharah $ 3,00,000 ve ve thawk chhuak thei tura ruahman a ni.
Branch sum a\angin kuminah $ 20,000 kum tharah $ 30,000 sawh hek a ni ang a, thil dang a\angin Rs 50,000 tuak chhuah tura ngaih ni bawkin kuminah $ 10,000 dah a nih laiin kum tharah $ 40,000 thawh chhuah a ngai dawn.
Ninga zana Vice President Pu T Ngurkhuma ina Brach Executive Committee \hukhawm chuan jubilee puala sum hmuh tur ruahman sa a pawm bakah \ul dang pawimawh chi hrang hrang a rel bawk a. YMA Zawlbuk chhuat leh bang plaster bakah Electric wiring tih\hat nise tih a ni a, Work Supervisor atan Pu R Lalmalsawma Executive member chu ruat a ni. Mizoram Rural Bank-in Zirlai sponsor tur zawng tura min tih angin Lallawmpuii d/o Lalrinmawia N-sect chu thlan a ni.
YMA Park chei \hat chungchang pawh sawi ho a ni a, Park hungna tur leh thing phun turte Forest Dept. ah dil nise tih a ni bawk. Ni 10.4.2013-a CCC Meeting, CYMA Hall-a neih turah kan Branch aiawha tel turin Secretary Tv Zairemmawia ruat a ni.
February 1, 1990 khan Chanmari atangin Chanmari West YMA a indang a, 2000 khan ropui takin kum 10 kan tlin lawm a ni tawh a. Tunah hian kum 25 tling turin kum hnih pawh a awm tawh lo va, a theih ang angin inbuatsaihna kalpui chhoh mek a ni a, kumin hian Silver Jubilee committee din a nih bakah hemi puala sum ngaihtuahtu tur Fund Raising Committee din a ni bawk a, ropui taka a lawmna buatsaih a nih theih nan theihtawp chhuahin hma an la mek a ni.
Silver Jubilee atana sum hmuh dan tur ruahman
Hmuhna tur 2013 2014 Total
Section budget 10000x5 = 50000 10,000x5 = 50,000 1,00,000
YMA member (2500) 20x2500 = 50000 20x2,500 = 50,000 1,00,000
Chhungkaw (1000) 200x1000 = 200000 200x1000 = 200000 4,00,000
Inhlawhna 3,00,000 3,00,000 6,00,000
Branch sum 20,000 30,000 50,000
Thil dang atangin 10,000 40,000 50,000
Grand Total 6,30,000 6,70,000 1,30,000