Chanmari West Branch YMA Executive Committee chuan September Ni 5 leh Ni 6 a Chief Minister Running Trophy Mizo hnam lam vawi 11-na Central YMA in branch hrang hrang tana inelna a buatsaih tur inbuatsaih nan kan Branch chhungah Section wise hnam lam intihsiak a buatsaih chu August ni 9, zirtawp zan dar 7:00 hian Chanmari West Indoor stadium-ah a buatsaih dawn.
He intihsiak hi khual lam leh chai hmanga tih tum a ni. Hnam lam intihsiaknaah hian musician tel lovin member 20 aia tlem lo tel theuh tura beisei an ni. He intihsiak endiktu atan hian veng dang mi Pu RL. Mangliana, Nursery veng, Pi Lalnipuii, Hunthar veng, Pi Lalrindiki, College veng leh Pi Ngurmawii Ralte, Ramhlun North te endik tura sawm an ni.
Section lam thiam ber hnenah lawmman atan Rs. 3000/- a ni a, section tel zawng zawngte hnenah Participation Prize Rs.1000/- \heuh pek tura tih a ni bawk. He section wise a\ang hian Branch aiawha hnam lam entir turte thlan leh tur an ni. Section hrang hrangte hi ngawrh takin an inbuatsaih a, an section lam zirna remchangah zan rei tak tak thlengin lam an zir \hin a, an member lam zir tura thawkchhuakte chung section hruaitute an lawm hle a ni.
Hetih lai hian Branch YMA Committee pawh lam zirtir tura an beiseiten an mawhphurhna \ha taka an hlen chhuah avangin lawmthu an sawi bawk. Ram pum huap intihsiak hunah tuna lam thiamte a\ang hian kan Branch aiawh tur thlanchhuah an ni leh dawn a ni.
Branch Zaipawlten ngawrh takin Camp.-ah Hla an zir
Central YMA in Pu Rokunga kum 100 tlin lawmna puala Branch YMA Zaipawl intihsiak August ni 13-15 inkara a buatsaih tura tel turin Chanmari West Branch YMA zaipawlte pawh an inpuahchah chho mek zel a, ni 30 thawhleh zan a\anga zirtawp zan thleng khan khan Chanmari West Middle School-ah riak luta hla zir Camp hi neiin inrinni zing khan camp hi an chhuak a ni.
Branch Zaipawl te hi Conductor te nen an vaiin mi 42 an ni. He intihsiak hi August ni 13 leh 14-ah neih a ni dawn a, heta an tlingchho a nih chuan ni 15-ah Final Round hi neih leh tur a ni. Chanmari West Branch Zaipawlte hi ni 14-ah \um 15-naah an zai dawn a ni.
Zaipawl Camp.-ah hian zai dan mawi zawk leh aw pek dan hrang hrang (vocal exercise) zirna hun hman \hin chu Tv H. Lal\hazuala (Puia) a zirtir \hin a ni. Zing dar 5:30 a\angin hla zir \hin a ni a, Conductor Pu RK Ramherliana, Asst. Conductor Tv David Vanlalpeka leh Zaipawl Secretary Tv C. Vanlalhriatpuia ten hla zir hi an kaihhruai \hin a ni.
Zanah hian Branch leh Section hruaituten thingpui an lum sak \hin a, thingpui lum saktute chungah Branch YMA chuan lawmthu a sawi a ni.
Pu F. Zosanga Adviser Gas bur 1, Pu A. Biaklawma Adviser Rs. 500 leh LS Bakery ten Cake leh Biscuit eng emaw zat an pe a, an chungah Branch Comittee a lawm hle.