Ni 27.12.2012 (Ninga) zana Chanmari West Branch YMA Executive meeting chuan kum 2013 atan Branch tichak turin Section din leh ni se a ti a, kum 2012-a section ramri angin section panga (5) - Chawngbawla, Khuangchera, Neuva, Taitesena leh Vanapa section a din leh a ni. Kum 2013 atana section hruaitu, Office Bearer thlan dan tur duangin hetiang hian ruahmanna a siam nghal bawk :
a) Inthlan hun atan chuan Ni 8.1.2013 (Thawhleh) zan dar 6:30.
b) Inthlanah hian OB tur mi paruk a ruala thlan chhuah tur a ni a, thlanchhuahte hian Returning Officer (RO) hoin nihna an insiamrem ang.
c) Inthlanna hmun, programme leh ballot paper-te chu section te’n lo ngaihtuah se tih a ni.
d) Section tinin nomination mi 25 aia tam lo leh floor nominate mi 3 aia tam lo neih ni se.Nomination list hi ni 6.1.2013 (Pathianni) aia tlai lovah Branch Secretary hnenah theh luh ni se tih a ni.
e) OB post ngai, a zawna kum 3 lo chelh tawhte chu an post ngaiah thlan theih an ni tawh lo vang.
f) Inthlannaah hian Returning Officer atan Branch OB te an kalna tur hetiang hian ruahmanna siam a ni:
Chawngbawla : Pu RL Thanhnuna, Asst. Secretary
Khuangchera : Pu K. Darthantluanga. Fin. Secretary
Neuva : Tv. Zairemmawia. Secretary
Taitesena : Pu T. Ngurkhuma. Vice President
Vanapa : Pu R. Lalhmachhuana. Treasurer
g) Branch Executive Member-te chu an awmna section-ah Ex-Officio member an ni nghal ang.
h) Section tin OB atana thlan chhuahte hian an thawhpui section committee member tur mi 25 aia tam lo, YMA AW Agent leh YMA Chanchinbu Sub-Agent tur mi pakhat ve ve ruatin ni 11.1.2013 ral hmain Branch Secretary hnenah theh luh tur a ni.
Branch YMA-in Sub-Committee pali siam
Branch YMA Executive Committee chuan kum 2013 atan Sub-Committee pali - Silver Jubilee, Kumpuan, Property leh Thlanmual committee a din. Branch office bearer-ten chairman, vice chairman, secretary leh assistant secretary an ruat dawn a, heng an ruat chhuahte hian an thawhpui tur committee member an ruat ve leh ang.
Kumpuan Sub-Committee bikah chungchangah kaihruaina siam sa a awm a, YMA-in kumpuan atana a hman mek “Ram leh Hnam Humhalh” bawhzuiin chak takin hma an la reng tur a ni. Hemi kawnga thuthlukna lian tham (entirnan - inhnawh chhuah, Chhiatni Fund pek kir) chungchangah mahni thua thu tawp siam mai lovin, Branch Executive-te rawn hmasak tur a ni.