Ni 8.2.2013 (Zirtawp) zana Pu C Lalzarliana, President CWBYMA kaihhruaia Branch Executive Meeting chuan kumin chhunga Chanmari West Branch YMA hmalakna tur kawng hrang hrang (Action Plan) a duang a, heng ruahmannate tihlawhtling ngei tur hian theih tawpa hmalak nise meeting chuan a ti. Tin, hetih rual hian kum 2013 atana YMA Chhang kaihhruaina pawh duan a ni a, YMA Chhang enkawlna leh kaihhruaina hi Section kutah thui tak a awm dawn a ni.
Kum 2013 chhunga Branch YMA hmalakna tur (Action Plan) te:
1) February thla chhung hian YMA member lak, YMA AW leh YMA Chanchinbu la turte tih fel tur a ni a, report felfai tak Branch Secretary hnenah thehlut turin Section-te beisei an ni. Tin, sum enkawltute tan account training neih a ni bawk ang
2) March thlaah Fresher Social leh Kum Puan hawn programme buatsaih tum a ni a, Chapchar Kut atan a \ul anga inbuatsaih a ni ang.
3) June thla, chawlhkar hnihnaah Thisen pek runpui neih tum a ni. Tin, YMA day ropui taka hman tum a ni bawk. June thla ral hmaa YMA AW man khawn fel hman nise tih a ni.
4) September thla ral hmain Chhiatni Fund khawn fel vek nise
5) October thlaa YMA General Conference Khawbunga neih turah member a tam thei ang bera kal tura inbuatsaih nise. Tin, October chawlhkar hmasa berah hian Faina Hnatlang Runpui, YMA Chhang member-te nen neih nise tih a ni.
6) November thla chhung hian section hrang hrangte tan inelna buatsaih tum a ni a. He inelna kalpui dan tur chu a \ul anga sawi ho \hat leh a, mawhphur turte pawh insiam a ni ang.
7) December thla chhung hian YMA Chhang pualin programe siam tum a ni. Kum 2014 chhung atana Branch hruaitu thlan tur a ni ang. Tin, kum tawp function nei tura ruahmanna siam a ni.
Heng ruahmanna hrang hrang tihlawhtling tur hian YMA member-zawng zawng chu theih tawp chhuah \heuh turin Branch Executive Meeting chuan a sawm tak meuh a ni.