Chanmari West Branch YMA chuan kan veng chhung a lo thianghlim zawk nan veng chhungah ran khuahkhirh mek chu nasa lehzual a kalpui zel a tum a ni.
Chanmari West veng chhungah hian ui leh ar vel chhuak a tam thei hle a, hetih lai hian Local Council chuan ran khuahkhirh hi a kalpui reng a; mahse, hetiang dinhmun hi kan nih reng tho avangin Chanmari West Branch YMA chuan ran chhuak hi a ngaimawh a ni.
Hetiang hi kan dinhmun a nih avangin ran khuahkhirh hna chu Branch YMA kuta hlan turin Chanmari West Local Council hnenah a dil ta a, anni chuan phal takin he mawhphurhna hi Chanmari West Branch YMA hnenah chuan an pe ta a ni. Tichuan Chanmari West Branch YMA chuan chak takin ran khuahkhirh hna hi a thawk ta a ni. Tum eng emaw zat ran vai hian an thawk chhuak tawh a, ran chhuak pawh an man nual tawh a ni.
Tunah hian chak zawk leh nasa lehzual a hmalak an tum a, section leh mimal ran chhuak man duh apiang m pawh man turin a beisei a ni.
Laipuitlang leh Ramhlun venglai leimin tuar tanpuina sem dan
Laipuitlang leh Ramhlun Venglai leimin tuar tana tanpuina hmuh zawng zawng hi Rs 97,43,022.00 a ni a, kan Branch-in Rs 60,000.00 in kan tanpui a ni. Tanpuina pawisa hi hetiang hian sem a ni.
1. Mitthi - Rs 68,00,000.00
3. In chhe vek - Rs 16,51,822.00
5. Bungraw chan - Rs 10,67,200
2. Hliam - Rs 1,94,000.00
4. In thenkhat chhia - Rs 30,000.00
Branch OB te July-September thla chhunga Section-a an i/c na tur.
Vice President Pu K. Darthantluanga - Chawngbawla Section
Secretary Tv Zairemmawia - Khuangchera Section
Asst.Secretary Pu RL Thanhnuna - Vanpa Section
Treasurer Pu R. Lalhmachhuana - Taitesena Section
Fin.Secretary Pu Lalrinliana (Sir Tea) - Neuva Section
Electoral Roll chungchanga hriattirna
Election Commission-in Electoral Roll-a in thun thar tur India khua leh tui dik takte tan dilna hun a hawng leh ta a, Chanmari West vengchhunga India khua leh tui dik takte tan dilnaah Branch YMA hriatpuina lak dawnin mahni ngei kal theih loh chuan chhung hnai takte ni lo leh Political Party hruaitute laktir lo turin Branch YMA chuan mitinte a ngen a ni. Tin, Roll-a India khua leh tui ni lo thun tawh paih tur hriate chuan an hming leh Pa hming leh an awmna Section leh inluah neitute Branch Secretary hnenah lehkha emaw Phone hmanga hriattir tura ngen kan ni. Ram leh hnam humhalh YMA Kumpuan hre renga Foreigner Roll-a thun lo turin mitinte ngen kan ni.