Hmanlai atangin Mizote hi pem kual thin hnam kan ni a, kan lo changkan tak hnu pawh hian kan la pem kual ta zel a ni. Kan pem kual chhan hi eizawnna avangte, zirna avangte leh chhan hrang hrang vangte a ni thin. Tunlai pawh hian mi leh sa kan inhriat pawh tawn tawh loh vangin leh kan mi leh sa chhinchhiah zel kan duh vangin pem lehkha pawl hrang hrangin kan siam thin.
YMA hian Pem lehkha a nei a, khawi hmunah pawh YMA awmna hmunah kan pem kual chuan chu lehkha chu kan ngai pawimawh em em thin a ni. Pem lehkha dik nei chauh kan inpawm thin.
Chutiang chiah chuan VC/Local Council pawhin hetiang pem lehkha hi an nei a, mi eng ang nge an nih hriat nan an hmang bawk thin a ni. Amaherawhchu anni lam hi YMA ang em em chuan an khawng lova, kan pal zut deuh ni chuan a hriat a, khua leh venga awm phal leh phal lo theitu chu an ni hi an ni thung.
Kohhran pawhin pem lehkha an nei a, pem lehkha pangngai bakah hriatpuina lehkha pawh an nei a, chung pem lehkha chu an Biak Inah an chhiar chhuak thin a, an inpawm tlang thin. Pem lehkha chungchangah hian kan hnam hi kan fimkhur tlan a ngai tawh hle a ni. Khawi veng emaw atangin tu emaw an rawn pem a, chu pem lehkha chu heng pawl leh Kohhran hrang hrangte hian kan inhriat pawh tawn a, kan pawm tlan dan pawh kan inhriattir zel a tha hle a ni.
Mi tha vak lo emaw rinhlelhawm mi tak kan mikhual a nih pawhin pawm lo tura hma kan lak tlan angai a, chanchin kan inhriattir vat vat thin a tha khawp mai. Hun harsa leh hminchhiat theihna a lo thlen hnu a, insawi thiam tum leh kan mi leh sa a ni lo tih vel chhuah leh ngai hi kan pumpelh theih nan tun atang hian pawl hrang hrang leh Kohhran hian thawh hona tha nen hmalam pan tlan angai a ni.