Chanmari West Branch YMA Executive Committee chu Ni 6.11.2012 zan khan Pu RK. Rozidingate inah an meeting a, kum 2013 a Branch OB thlan hun atan Ni 11.12.2012 (Thawhleh) zan an ruat.
Pu T. Ngurkhuma Branch President kaihhruai hian kumin YMA General Conference kan hman zawh takah khan kan Branch hruaitu Pu RL. Thanhnuna chuan hruaitu hlun chawimawina a dawng chu an chhuang hle a, kalna atan a motor thawhtu Pu RK. Rozidinga leh Pu RL. Thanhnuna te chungah lawmthu an sawi bawk. Kum tharah chuan tam zawk kal thei tura hmalak nise an duh hle.
Kum 2012 Krismas leh kum thar 2013 chu hlim leh thlamuang taka kan hman tlan theih nan Section-te duty leh nise a ti a, Ni 20.12.2012 - 3.1.2013 chhung duty tur hian a beisei a ni. Veng chhungah halpuah leh puak thei hal lo turin leh dawrkaite pawhin zuar lo turin a ngen bawk a ni.
Kumin 2012 Krismas lo thleng turah hian kan vengchhungah Branch YMA huaihawtin Ni 18.12.2012 (Thawhleh) zanah Krismas Carol Service hun hman nise a ti a. Hun hmandan tur leh tuldangte Branch O.B leh Section tin Leader ten an lo duang dawn a ni. Tin, kan veng chhung hmun laili laite a theih ang anga cheimawi tum a ni bawk.
Taitesena Section ten Ni 15.11.2012 zana Khawtlang Nun Siamthat chungchanga Nu leh Pa leh Thalaite mawhphurhna tih thupui hmanga inkawmhona an hman turah, Branch O.B leh Executive memberte telpui tura min rawn sawmna angin telpui nise tih a ni. Neuva Section atanga Section Sport neih an rawn dilna chu phalsak an ni bawk.
Hunthar nena kan inrina Signboard tar tihchhiat chu, Local Council-te hma la tura Executive Committee in kan ngenna chu, YMA ten tar tur lo siam tur leh a tar hunah chuan a huhova tar nise an rawn tih angin Property Sub Committee ten Signboard tar tur tha takin lo siam se tih a ni.
Kan member Pu Lalsangkima ‘K’ Section, Civil Hospital a awm, thisen unit eng emaw zat pek tawh chu, Ni 13.10.2012 khan Khuangchera Section member leh midangte atangin 20 units pek a ni a, tlawmngaia thisen petu leh sum tumsaktu chungah lawmthu an sawi.
Kan Branch President chu CYMA, Disaster Management Secretary atana an rawn ruat nawn leh chu Committee chuan lawmawm a ti hle.