National Seminar on Mizo Language: Contemporary Challenges and Prospect chu July ni 18 leh ni 19 khan Central YMA Hall-Tuikhuahtlangah neih a ni. He Seminar hi Dept of Mizo, Pachhunga University leh Central YMA \angkawpin an buatsaih a ni a, Central Institute of Indian Languages (CIIL) chuan he Seminar hi an sponsor a ni.
July ni 18&19 chhunga neih, Mizo \awng humhalh dan tur leh tihhmasawn zel dan tur zirho leh sawihona hunah hian Aizawl khawpui chhunga YMA branch hrang hrang aiawh te, Sub-headquarter leh Group aiawh te, College hrang hranga zirlai leh zirtirtu mi engemawzat an tel.
He seminar hi Ni 18.7.2013 zing dar 10:00-ah \an a ni a, Pu Lalbiakzuala, Vice President CYMA-in kaihruaiin, Pu Lalthanzara, Parliamentary Secretary chu Khuallian niin he Seminar hi a hawng. Pu Lalthanzara chuan “Kan \awng (language) hian thui takin kan hnam nunphung (culture) a pholang a, \awng humhalh leh Ram leh Hnam humhalh hi thil inzawm tlat, rual taka kal dun tur a ni. Culture kan muthilhsanlai hian kan \awng hi zawi zawiin a boral ve mek zel a ni” a ti.
Prof. Kedutso Kapfo, Director, CIIL (Mysore) chu Khualzahawm niin, “Zirna ina \awng inzirtir uluk a pawimawhzia” uar takin a sawi.
He seminar ni 1-na leh ni 2-na hi Session 3-ah ve ve \hen niin, ni hnih chhung hian mi thiam bikte siam paper 14 lai zirho leh sawiho a ni.
He seminar-a paper buatsaihtute sawi tam ber leh ngaih pawimawh ber chu “Tunlaia Mizo \awng kan hmang dik lo leh ziak dik lo nasa lutuk te, \hangthar zelte hnena kan \awng kauchheh dik tak kan hlan chhawn zel theih dan turte” a ni ber.
Hnam dang \awng, Mizo \awng ang maia kan hman zin leh kan lo hriat bel tawhte chu engtia hman chhunzawm tur nge? tih te, Chanchinbu hrang hrangin Mizo \awng an hman dik loh ina \halaite a hruai dante, mahni pianpui \awng thiam hlutna leh Mizo \awng zahawmna te chu sawi a ni bawk.
July ni 19, tlai dar 4:30-ah he Seminar hi khar a ni a, he hunah hian Pu T Sangkunga, President Central YMA chu Khuallian niin, President chuan, “Ram leh Hnam humhalh tura Mizo \awng vawnhim pawimawhzia” ngaih- nawm takin a sawi. He Seminar-ah hian kan Branch a\angin Tv R Lalrinngheta, Editor YMA (Branch Executive member ni bawk) chu a tel.
Chhiatni Fund luh dan
Section Target Lut tawh La lut lo/Target khumna
Chawngbawla 58320 Rs 57,000 Rs 1,320
Khuangchera Rs 58500 58,600 Rs 100
Neuva rs 42100 Rs 43,300 $ 1,200
Taitesena Rs 70700 Rs 70,800 $ 100
Vanapa Rs 58200 Rs 59,300 Rs 1,100
Section pali (4) chuan target khumin an khawn zo tawh a, Branch Committee chuan lawmawm a ti hle. Tin, la zo ve chiah lo pawh an zawh ve thuai a beisei.