Central YMA leh Art & Culture Deparrtment \angkawpin an buatsaih Mizo Hnam Lam hmanga intihsiakna, 11th Chief Minister’s Running Trophy in Cultural Dance Competition chu September ni 5 hian \an a ni dawn. he intihsiaknaa tel tur hian Chanmari West Branch YMA pawh ngawrh takin a inbuatsaih mek.
CM Running Trophy atan hian Sectionwise hmangin inbuatsaihna bul\an a ni a, section hrang hrang a\anga lam thiamte thlang chhuakin a huhoin Indoor Stadium-ah lam zir \hin a ni a, member an kal \ha thei hle.
He intihsiak hi Pu Hawl a Indoor Stadium (Pitarte Tlang), Republic Vengthlangah neih tur a ni a, September ni 5 & 6 chhunga neih tur a ni ang.
CM Running Trophy-ah hian CWBYMA chuan hnuhma \ha tak a lo hnutchhiah tawh a, vawi engemawzat Pakhatna kan lo nih tawh chu kumin hian nih leh ngei tumin hruaitute leh member lamthiam te \hahnemngai takin an inbuatsaih.
CM Running Trophy-ah hian Mizo Hnam Lam chi 3-Chai, Khuallam leh Cheraw hmanga intihsiak tur a ni a. Lam chi 3 a\anga point hmangin lawmman siam tur a ni. Cheraw bika tel turte hi Chanmari West Middle School-ah riakin zing karah an zir \hin a, phal taka School hmantirtu Headmaster leh Staff-te chungah Branch YMA chu a lawm hle.
Zan lamah Indoor Stadium-ah Khuallam leh Chai zir \hin a ni a, member 60 velin an zir \hin a, lam zirte chungah Branch YMA chuan lawmthu a sawi a, \hahnemngai taka zir chhunzawm turin a ngen bawk. Chutih rual chuan lam zir tura phal taka an fate rawn kaltir \hintu nu leh pate chungah Branch YMA chu a lawm hle bawk.
Tin, tlawmngai taka lam zirtirtute chungah leh lam zirte ei leh in buatsaih \hintute chungah Branch YMA chuan lawmthu a sawi bawk.