Chanmari West Branch YMA hmalaknaa thawh tura ruahman, hmeithai Pi Thangkimi (K-sect) in sak hna chu Ni 30.5.2013 (Ninga) khan khawtlang huapa nileng hnatlang neiin thawh tan a ni.
Pi Thangkimi in sak hna kal meka hnatlang neih tawh dan leh sum leh pai hmuhna tlangpui chu heti ang hi a ni:
1) Ni 30 & 31, May khan khawtlang huapin nileng hnatlang neih a ni a, Mistiri tha 22 leh mipui hnatlang tha 148 sen tawh a ni.
2) Branch YMA Executive member-in zingkar hnatlang tum 2 an nei.
3) Mistiri Association-in hnatlang tum 2 an nei tawh bawk.
Pawl ang leh khawtlang huapa hnatlanga thawk chhuak \hinte chungah Branch YMA chuan lawmthu a sawi a, mi harsa tanpuina kawnga veng mipuite inpekna chu a ngaihlu tak zet bawk a ni.
Mi harsa insak \anpui nan hian pawl hrang hrang leh mimal tlawmngaite hnen atangin sum leh pai \hahnem tak hmuhchhuah tawh a ni. Insak \anpuina hmuh tawh zawng zawng hi Rs 1,16,140 a ni a, tanpuina petu zawng zawngte chungah Branch YMA chuan lawmthu a sawi tak meuh a ni. |anpuina petute:
1) Bialtu MLA - Rs 50,000 leh rangva bundel li (4).
2) Veng chhunga Pawl hrang hrangte thawhkhawm- Rs 27,000
3) Mimal \hahnemngaite hnen a\angin Rs 38,640
Tun thleng hian Rs 91,553 hman ral tawh niin Rs 24,587 la kawl mek a ni.
Insak hnatlang hi a tul dan ang zela thawh chhoh tur a nih dawn avangin, a tul hun apianga thawk chhuak thei tura inpe turin Branch committee chuan veng mipuite a ngen bawk.
Thisen Pek Runpui Neih A Ni Dawn
June Ni 8-a Aizawl Civil Hospital tana Branch YMA-in Thisen Pek Runpui a neih turah heti ang hian Branch Executive meeting chuan ruahmanna a siam a, member a tam thei ang ber thisen pe tur hian a sawm bawk.
1) Thisen pekna hmun - Chanmari West middle School
2) Thisen pe hnem ber record siam ngei tura \an lak nise.
3) Thisen petute tan ei leh in - bawng ruhkawl chhum, paratha leh thingpui siam nise.
4) Mawhphurhna hrang hrang heti ang hian siam a ni:
i) Medical Team-te a \ul anga lo puibawm turin Nl Lalramengi, Nl K Vanlalchhuangi, Nl Lucy Zoliani , Nl PC Lalhmangaihi leh Nl Zoramthari te ruat an ni.
ii) Bawng ruhkawl chhum, ei leh in sem leh \ul dangte - Khuangchera section
iii) Paratha kan leh thingpui lum - MHIP, Chanmari West
iv) Sound System - Neuva Section
v) Seat arrangement - Branch Executive member (Ni 8.5.2013 zingah hnatlan nise)
vi) Banner leh Mineral water in charge -Pu C Lalzarliana, President