Pu Zosangliana ‘T’ Section in chhak lei tawlh mai thei chu Disaster Management Committee hmalaknain paih fai tum a ni. CM Bangla thlangah hian in sa an awm a, chu mite in sa chuan an lei vung chu an enkawl tha lo va, hei hi kan veng tan hian hlauawm takin a awm phah ta a ni.
Helai hmun hi nasa taka rawn tawlh mai thei dinhmunah a ding a. Hman deuh khan helai bawr vel hi a che mai thei turin a khi nasa tawh hle bawk, chhungkaw eng emaw zat tan chuan hlauhawm a ni a, inthiar chhuah hial a ngaih phah a ni. Chanmari West Disaster Committee chuan helai thenfai dan tur hi an ngaihtuah a, estimate an siam a, sawrkarah an bawhzui a, tichuan sawrkar chuan helai lei vung paihna tur sum hi an rawn pe ta a ni.