Kum 2012 chhung hian Chanmari West Branch YMA chuan tanpuina chi hrang hrang atan Rs 2,52,090 kan sem chhuak thei a, hei hi Section-te thawhrimna leh Veng chhung mite inpekna vang liau liau a ni, hetihlai hian kan thlanmualah mi 41 kan thlah liam a, heng zingah hian YMA member 14 lai an tel a ni. Kan Branch Hmalakna tlangpui dangte:
1. Branch YMA Office Bearer-te Ni 20.12.2011 ah Zawlbukah thlan a ni.
2. YMA Member (a) Mipa: 1693 (b) Hmeichhia 941 Total: 2634 Life Member: 160.
3. YMA Aw copy 1050 sem a ni.
4. Kumin chhung atan hian chhungkaw tinte hnenah Chhiatni Fund heng: Category A Rs 300/-leh Category B Rs 200/- leh Category C Rs 100/- hian khawn a ni.
5. Section tinten Budget Rs 4500/- chu an tlak thei vek a ni.
6. Kuang atana thing phek kan hman thin chu Playboard a thlak a ni.
7. YMA Relief fund hawn thar a ni a, hetah hian Chanmari Branch leh veng chhung mi thahnemngaite atangin tanpuina pawisa thahnem tak dawn a ni.
8. Ni 5.1.2012 a Maubawka In kang tanpuina atan Rs 1000/-pek a ni.
9. Ni 1.2.2012 a Saiha a kangmei tuarte tanpuinan Rs 71,745/- chu Central YMA ah pek a ni.
10. Ni 8.3.2012 khan Synod Hospital a hman turin thisen 114 units pek a ni. Tin, Ni 13.10.2012 khan Aizawl Civil Hospital a hman turin Khuangchera Section ten Branch YMA hmingin thisen 20 units an pe bawk.
11. Ni 29.3.2012 zan khan Kumpuan ‘Ram leh Hnam Humhalh’ chu YMA Zawlbuk-ah hawn a ni.
12. Central YMA in ‘Inter Branch YMA Sport 2012 Football, Volleyball Tournament leh Basketball hmanga Tournament a buatsaihah tel a ni. Football (Vodafone Cup) ah Final kan lut a, a pumpuiah pahnihna kan ni a.
13. Ni 14.6.2012 khan AVBD atangin YMA Category a thisen pe tam lawmman 3 na kan dawng.
14. Kumin YMA day chu Branch-in Programme hran siam lovin, Section ten mahni Section chhungah theuh YMA Day hi hlim tlang taka hman a ni. YMA Day pual in vengchhungah faina hnatlang neih theuh a ni. Veng chhunga chhungkaw tin ten YMA Day pual hian YMA Flag zar theuh a ni bawk.
15.Ni 25. 6. 2012 zingkarah ruihhlo dona kawng zawhah kan Branch YMA tel a ni.
16. MHIP Day lawmpui nan kan veng MHIP te Rs 1000/- hlan an ni.
17. Zotlang tlangval leh Ramhlun North nula tui tla zawnna tanpuina atan Rs 2000/-hlan a ni.
18. Ni 2.9.2012 zingkarah Chaltlang kawng lung lumin kan veng chhunga In a denchhiatte tanpui nan Rs 2000 hlan a ni.
19. Ramhlun Vengthar leh Ramhlun Sport Complex a leimin tuarte tanpuinan Rs 60,515/-hmuh a ni.
20. Kan Branch Team te Jersey hi Pi C.Lalthankhumi W/o C.Lalramdina (L) ‘CH’ Section-in min rawn tum sak.
21. YMA General Conference-ah kan Branch atangin mi 7an kal, thlengtu tanpui nan Rs 2000/- hlan an ni. Branch Secretary Pu RL.Thanhnuna chu kum 15 Branch Office Bearer a lo nih tawh avangin hruaitu hlun chawimawina a dawng a, an lawmpuiin an chhuang hle.
22. Pi Lalrintluangi leh a fa te (Chawngbawla Section) chuan an pa Pu R.Thansanga (RTS) hriatrengna atan Table fan 2 min rawn pe.
23. Veng chhungah Kumpuan bawhzuina atan vawi eng emaw zat duty a ni a, ruihhlo (damdawi,zu) eng emaw zat man a ni.
24.Central Road tha taka a tlang theihna atan kawng siamthat hna (lungrem) Branch YMA hmingin thawh a ni.
25.Ni 19.12.2012 zanah veng chhungah Carol Service a ni.
26. Kan veng chhunga chhungkaw 15 te hnenah Krismas Present atan Rs 1500 theuh hlan an ni.
27. Kumin chhung hian mitthi 41 kan nei a, YMA Member 14 an awm a ni.
28. YMA Chanchinbu copy 106 lak a ni.
29. Kumin 2012 chhung hian ruang chhuak 11 an awm.
30. Kan Branch YMA Chanchinbu ‘YMA AW’ chu zirtawp zan apianga YMA Buk sir Taitesena Section-te bungraw In chunga buatsaih thin chu, YMA Buk hnuai Information Centre a kan hman chu ping dangin, Room khat chu YMA Aw buatsaihna atan hman a ni.
31.Kum 2012 chhung atan hian Branch YMA tichak turin Chawngbawla, Khuangchera, Taitesena, Neuva leh Vana pa Section te hi din a ni. Section tinah hian Office Bearer mi 6 leh Committee Member mi 25 theuh an awm. Branch Office Bearer te Section tinah thla thum dan zelah Branch OB In-charge in siam thin a ni.
32. Kum 2012 chhung atan hian Property, Thlanmual leh Documentation Sub-Committee hi din a ni. Sub-Committee tinah hian Office Bearer mi 4 leh Committee Member mi 15 theuh bakah, Branch OB In-charge an awm bawk.
33. Central YMA ten min ngenna angin, chhim lama Branch YMA harsa tanpuina atan bungrua khawn a ni a, hengte hi pek an ni.
1. Baltin 1 no
2. Ketli 1 no
3. Chawhtawlh 1 no
4. Tui bottle 4 nos
5. Tea Tray 10 nos
6. No bawm 7 nos
7. No 663.nos
KOHHRAN HRANG HRANG TEN HLIM TAKIN KRISMAS AN LAWM
Krismas chu veng chhunga Kohhran hrang hrang ten hlim takin an lawm. Inkhawm leh zaikhawm thawm a ngaihnawm a, Krismas ni tak khan Kohhran thenkhat chuan chhang ruai an theh laiin sa ruai nena lawm pawh an awm a, a tuk a, sa ruai nena lawm chhunzawm pawh an awm bawk. Kohhran ten veng chhung mi harsate tanpuina an sem a. Biak In leh a vel kum dang aiin an cheimawi a, hmuh a nuam hle. Veng chhungah buaina leh harsatna lian tham thleng a awm lova, chhungkuaa dam lohna leh lusun khawhar tan erawh a kim lo khawp ang.
Kum 2013 a YMA AW Editorial Board member-te
Editor : Tv R. Lalrinngheta
Joint Editor: Pu J. Lalnangliana
Pu Lalchhandama
News Editor: Tv Thangkhuma
Pu Lalchhuanmawia
Pu K. Lalremtluanga
Cir. Manager : Tv Jacob Lalrinsanga
Pro. Manager : Pu T. Ngurkhuma Vice President